EX S. C. RITUUM 565

QUEBECEN. Dubia varia.

Rmus Dnus Nazarius Begin, Archiepiscopus Cyrinensis, Ad- ministrator Dioecesis Quebecensis, Sacram Rituum Congrega- tionem pro sequentium Dubiorum solutione humiliter rogavit, nempe :

I. Ex peculiaribus Indultis Dioecesi Quebecensi concessis, solemnitas quorundam festorum de praecepto transfertur in Dominicam proximam sequentem, vel ea impedita, in Domini- cam antecedentem; atque ita, ut in Ecclesiis, ubi fit Officia tura cum cantu, Missa et Vesperae solemnes de hisce festis, additis Commemorationibus iuxta Rubricas, peragantur; in aliis vero, unica Missa lecta celebratur. Hinc quaeritur: An subsistat die, qua celebratur Officium transferendae vel translatae solemnitatis:

1. Prohibitio celebrandi Missam in Oratoriis mere privatis, et Missam exequialem praesente corpore?

2. Obligatio Parochorum Missam applicandi pro populo ? 3. Facultas Episcopo concessa conferendi Ordines Sacros

diebus festivis de praecepto? II. Utrum eaedem solemnitates celebrari possint in festis

Circumcisionis Domini et SSmae Trinitatis, die octava Epiphaniae, Dominica Passionis et Dominica in Albis, quae festa quaelibet alia, etiam Duplicia primae classis, excludunt?

III. An pluribus occurrentibus solemnitatibus transferendis, una vel altera possit ad libitum omitti vel saltem simplificari per commemorationem sub unica conclusione cum oratione Dominicae primae classis vel festi, aut solemnitatis ritu, aut privilegio superioris?

IV. Utrum in parochiali Ecclesia, cuius titulare festum ipsa die fuit a populo ex devotione celebratum, solemnitas debeat nihilominus die Dominica peragi?

V. An Indultum speciale, 13 Maii 1855, quo solemnitates transferendae in Dominicam sequentem, eaque impedita, in Do- minicam proximam praecedentem, ad hanc solam Dominicam restringatur?

VI. Utrum in Ecclesiis, ubi ex Indulto 13 Maii 1819 sole- mnitas translata peragitur cum Missa et Vesperis solemnibus, hi qui iisdem Vesperis assistunt, Divini Officii recitationi satis- faciant?

VII. An idem Indultum pro Ecclesiis concessum, compre-