§ 6 4 RAGUSINA

tuli silentio argui fas esse, ipsum Capitulum quoque admisis- se, quod consuetudo Religiosis favebat. Quandoquidem si aliter fuisset, praesumi non posset quod Capitulum tamdiu siluisset.

Hisce addunt, quod cum, vertente anno 1889, Capitula- res huiusmodi ius sibi vindicare pertentaverint, ne tunc qui- dem verbum de consuetudine facere ausi sunt, quae sibi fa- verent; sed via amicabili obtinere conati sunt, ut Religiosi suo iuri vale dicerent. Quae res manifestum facit, nullam consuetudinem Capitularibus faventem antea extitisse.

Quo véro ad septem testes, qui de consuetudine favore Capituli deponunt, ipsos in nullo pretio habendos esse con- clamant, ex eo quod ii testes testimonium perhibent de re,, quae in usu erat, antequam ipsi in hunc mundum venissent: quod admitti nullo pacto valet.

Tandem Religiosi contendunt, quod ex primae Missae in propria Ecclesia celebratione nullum damnum sive Capitulo^ sive fidelibus urbis vulgo Curzola affertur.

Non equidem Capitulo, quia fideles, qui ad Religiosorum Ecclesiam accedunt, ut ibi primam Missam audiant, non sunt Ecclesiae Abbatialis parochiani, sed ad paroecias pro- ximorum oppidorum pertinent. Qui cum diebus festis ad urbem Curzola accedunt, ut sua negotia absolvant, nisi pri- mam Missam audirent, quae in Religiosorum Ecclesia cele- bratur, neque ad Cathedralem, neque ad aliam Ecclesiam accederent, ut praecepto satisfacerent.

Sed neque spirituali fidelium bono damnum affertur*, quia in ipsa Religiosorum Ecclesia, omnibus diebus festis- inter Missae celebrationem, verbum Dei populo annuntiatur y quemadmodum in Ecclesia Abbatiali fieri solet.

Quae cum ita sint Religiosi concludunt, se in huiusmodi iuris quasi possessione manutenendos esse.

Quibus enucleatis, propositum fuit diluendum sequens

Dubium

An Religiosi s. Dominici urbis Curzola valeant Missam diebus Dominicis et festis celebrare in casu.