568

Die 7 Iunii 1842 (1).

Episcopus Namurcensis , ad moto supplici libello , petiit a s. Poenitentiaria Apostolica facultatem validas reddendi dispen- sationes, quoad affinitatem, quae invalidae existèrent propter affinitatis impedimentum, proveniens ex copula fornicaria seu antematrimoniali, quam orator vel oratrix habuerit cum coniuge defuncto, ante suum cum eo matrimonium : ne novo pendente recursu ad s. Sedem, oratores incontinentiae periculo exponan- tur, quod fere semper timendum est.

Sacra Poenitentiaria sub die 7 Iunii 1842, mature perpen- sis praedictis precibus Venerabilis in Christo Patris, Episcopi Namurcensis, earumque facta relatione SSmo D. N. Gregorio XVI, Eoque benigne approbante , praelaudato Episcopo respondit: » Dispensationes in casibus expositis esse validas. » (2) .

Declaratio S. Poenitentiariae Apostolicae super conditionibus praesentis Iubilaei.

Die 2 Aprilis vertentis anni 1881 sacra Poenitentiaria circa eleemosynam praescriptam in Litteris Apostolicis « Militans Iesu Christi » diei 12 Martii eiusdem anni' sequens dedit responsum: « Inter opera pia, a Litteris Apostolicis significata, comprehendi etiam sublevationem pauperum. »

(1) Sub hac die in Archivio s. eius- dem Tribunalis ponitur hoc responsum; etsi ponatur sub die 20 Martii 1842 in Instructione s.Cong.de Propaganda Fide, per nos relata, vol. X. pag. 291 har. ephem.

(2) Huic responso occasionem dedisse videtur praxis nonnullorum Episcoporum; qui cum ageretur de nuptiis ineundis inter personas affines primi et secundi gradus, investigabant etiam an inter easdem et suum maritum aut uxorem defunctos, adfuerit copula illicita ante matrimonium, a quo affinitas nascitur ex licita coniunctione. Quod si reperirent copulam adfuisse illicitam, tunc dupli-

cem exposcebant aut exposcendam esse putabant dispensationem ; nempe super affinitate ex copula illicita seu ante- matrimoniali atque ex copula licita seu matrimoniali exorta. Per hoc tamen responsum omni dubio obviam itur quoad affinitatem ex copula illicita exortam ; quoniam validae declarantur dispensa- tiones in quibus nulla mentio facta fue- rit de copula illicita. Et ideo unica dis- pensatio super affinitate ex copula licita, comprehendit etiam affinitatem ex copula illicita, seu antematrimoniali. Et hoc re- sponsum declaratum fuit generale per Litteras eiusdem s.Poenitentiariae diei 10 Decembris 1874.

EX S. POENITENTIARIA APOSTOLICA