568 EX S. C. RITUUM

deux de nos anciennes Mères. Elle avaient vécu avec des Soeurs contemporaines de Jeanne Delanoue, et elles nous répétaient tou- jours: Soyez dévouées comme Jeanne Delanoue ". Eadem habet Te- stis XLIV, XLV. Alios plures possem laudare testes, qui ad fami- liares traditiones vel ad antiquarum monialium testimonia provo- cant, sed eos libenter praetereo ; nam ii quos expendi satis nos cer- tiores faciunt, nedum de traditione a maioribus accepta, sed etiam veteres huius traditionis, anulos ab Ancillae Dei coaevis descen- dentes et nunquam interruptos manifestant.

Haec omnia minime latebant sagacissimum Censorem, qui pla- ne intelligens haud recte incusari testes in actis rogatos quasi no- titias omnes ex historiis, nihil ex maiorum traditione didicerint, tem- perare accusationem festinat inquiens : u Utique non inficior testes quosdam aliqualem traditionem inter scientiae causas afferre; sed haec ipsa traditio generica prorsus est, atque specificas notitias iidem testes nonnisi ex historiis hauserunt,,. Nemo ut arbitror pe- culiaria iterum exiget, post ea quae superius retulimus, testimonia, quibus evincatur plures in actis occurrere testes, qui scientiam suam hauserunt ab iis qui cum coaevis Ancillae Dei colloquuti sunt, quippe non aliqualem et genericam traditionem inter scien- tiae causas indicant, sed traditiones domesticas et antiquarum mo- nialium testimonia, queis annorum lapsus nihil adiecit vel detraxit, quum senes a senioribus, recentiores a natu maioribus perpetua serie, non vitiata vel interrupta, eadem accepissent. Illud praete- rea, ceu antea vidimus, testes nostri praestare feliciter potuerunt, quod non semper in causis antiquis praestare queunt defensores, ut traditionis anulos, quibus rerum notitia ad ipsos descendit, tar- dique Ancillae Dei admiratores cum coaevis eiusdem sanctimoniae praeconibus coniunguntur, enunciarent ac describerent. Ecquid am- plius desiderari potest, ut testes perenni traditione edoctos, et tra- ditionem a testibus legitime probatam dicamus?

Inani labore, coacervatis pluribus processus locis, demonstrare adnititur Censura sagax specificas notitias nonnisi ex historicis te- stes hausisse. Etsi omnes qui a Censura laudantur testes ad inter- rogatoria de virtutibus , supernis donis ac sanctitatis fama, qua vivens floruit Ancilla Dei, sicce ac ieiune reposuerint se nihil scire, vel tantum id quod ex scriptis documentis acceperunt, ac idcirco, prout Censura insinuare conatur, flocci faciendi sint, levis iactura esset; scitum est enim in causis omnibus, praesertim antiquis, non omnes testes aeque locupletes esse, ac saepe aliquot occurrere,