568 EX S. C. RITUUM

Affirmative quoad Officium, negative quoad utrumque prae- ceptum iuxta Decreta n. 2164 Monopolitana 20 Martii 1706 et n. 2305 Barcinonen. 10 Decembris 1733 (1).

Atque ita rescripsit, die 2 Septembris 1903.

M. CARD . MOCENNI L. * S.

f D. PANICI , Archiep. Laodicen., Secretarius.

UTINEN.

An Passio Domini, Tantum ergo et Litaniae lauretanae cani possint in lingua vul- gar i ; et an eadem lingua adhiberi liceat in Baptismi administratione ac Com- munionis extra Missam, necnon in precibus post Missam praescriptis.

Rmus Dominus Petrus Zamburlini, Archiepiscopus Utinen- sis, Sacrorum Rituum Congregationi ea quae sequuntur, pro opportuna declaratione, reverenter exposuit, nimirum :

(I) En duo citala Decreta:

Monopolitana - Cum in Civitate Monopolitana festum S. Francisci de Paula,

utpote Patroni principalis celebretur de praecepto; cumque hoc anno incidat in

Feriam VI in Parasceve, per Vicarium Capitularem eiusdem Civitatis a S. R. C

demisse supplicatum fuit declarari: An cum Officio transferendum veniat etiam

praeceptum audiendi Sacrum1? - Et S. R. C. respondit: « Negative; et in Feria VI

in Parasceve non teneri audire Sacrum ».

Barcinonen. - Humillime apud S. R. C. supplicante Clero Cathedralis Barcinonen,

pro declaratione infrascripti dubii: An, dum festum S. Georgii Patroni Principatus

Catalauniae occurrit in Feria VI maioris Hebdomadae sive in Sabbato Sancto, ita

ut in aliam diem non impeditam transferatur, eadem die qua peragitur officium

translatum de S. Georgio adsit etiam obligatio audiendi Missam? -- Et S. R. C. respondit: « Pro translatione officii et Missae, sed absque obligatione praecepti au-

diendi Sacrum et vacandi ab operibus ».

Officium igitur et Missa cuiusvis festi de praecepto, occurrentis in Feria VI

maioris Hebdomadae vel Sabbato Sancto, transferri debent ad primam diem sequen-

tem liberam iuxta Rubricas et Decreta. Feriatio autem seu obbligatio audiendi Sa-

crum et ab operibus servilibus vacandi transferri nequit, sed adnexa manet iis

diebus, quibus occurrit festum de praecepto. Quapropter fideles in Sabbato Sancto

tenentur interesse Sacro et abstinere a servilibus; at in Feria VI in Parasceve,

quum proprie dicta Missa non celebretur, christifideles, quamvis ab operibus absti-

nere debeant, Missam Praesanctificalorum audire non tenentur.

A dicta generali regula excipiendum est festum Annuntiationis B. Mariae Vir-

ginis, quod, cum venerit Feria VI in Parasceve vel Sabbato Sancto, iuxta specialem

Rubricam et iuxta decreta S. R. C. transferendum erit ad feriam II post Dominicam

in Albis tamquam in sedem propriam, una cum sua feriatione seu cum praecepto

audiendi Sacrum et a servilibus vacandi, sed absque Octava.