568 Ex Secretaria Brevium

ferent, minora scilicet pro Equitibus simplicibus, pro supe- rioribus classibus maiora. Gerant Equités Crucem sinistro pectoris latere dependentem e taenia serica rubro et nigro distincta colore extremis oris rubris. Gerant Commendatores Crucem eamdem maioris moduli, simili taenia collo circum- ducta pendentem, galerum nigra ornent penna. Equités de- nique a Magna Cruce gerant Crucem maximi moduli quae fascia serica praelonga, binis Ordinis coloribus picta, dextero humero sustineatur ; sinistro vestis lateri ad pectus innexum proprium primae classis numisma maius deferant; albam ga- lero pennam imponant. Cum vero contingat ut viri ad gradum Commendatorum evehendi egregiis iis meritis eniteant, quae quasi potiora Pontificiae voluntatis testimonia exposcant, vo- lumus, ut sicuti fieri interdum solet in Ordinibus Gregoriano et Piano, etiam Commendatores Ordinis Sancti Silvestri Papae ex singulari prorsus gratia numismate uti queant minori, se- cundae classis proprio sive Commendatorum, illudque ad pe- ctus sinistro lateri innexum gestent.

Quod vero attinet ad Ordinem Militiae auratae, sive ab aureo calcari, sic auctoritate Nostra ab Ordine Sancti Silve- stri Papae seiunctum, animo repetentes vetustissimas et glo- riosas Ordinis illius memorias, Nos eum non solum ad pri- stinum gradum restituere, sed novo etiam splendore cohone- stare, ac funditus sub coelesti Immaculatae Virginis patrocinio per praesentes instaurare statuimus. Et sane cum Pontificia Sedes Ordine Equestri careat, qui sit sub Virginis praesidio constitutus, hoc potissimum anno, a solemni definitione Do- gmatis Immaculatae Conceptionis quinquagesimo, atque hac tempestate qua tot tantaque mala videt lugetque christianus orbis, placet Nobis huic Equestri Ordini in quem dumtaxat fortissimi Ecclesiae Dei vindices atque adsertores erunt coo- ptandi, coelestem Patronam Immaculatam illam Deiparam Virginem adsignare, quae « terribilis sicut castrorüm acies ordinata » draconis inferni caput victrix conteret. Quocirca