EX S. G. RITUUM 571

DECLARATIONES

circa privilegia Protonotariis Apostolicis ad instar concessa.

Cum nonnullae obortae fuerint difficultates super aequa interpretatione Constitutionis Pii fel. rec. Papae IX, quae incipit Apostolicae Sedis officium, datae IV Kal. Sept. MDCCCLXXII ( 1 ) , et ad Sanctissimum Dominum Nostrum Pium Papam X delatae occasione praesertim privilegiorum, quibus Capitulum Tarvisi- num decoratum nuper fuit; eadem Sanctitas Sua, quo unica ab Apostolicis Protonotariis ad instar ubique norma servetur, per Sacrorum Rituum Congregationem sequentia declaranda statuit:

I. Quoad § II praefatae Constitutionis: Biretum, qua Pro- tonotarii Apostolici ad instar Participantium in sacris functio- nibus utuntur, nigrum profecto esse debet; nihilo tamen mi- nus ornari poterit, iuxta usum quasdam in regiones iam inve- ctum, lemnisco eiusdem coloris ac vitta seu chordula qua pi- leum circumcingere solent.

II. Quoad § X V : Protonotarius Missam pontiflcaliter cele- brans omnia, quae vel legenda sunt vel canenda, nunquam ad scamnum sed semper ad altare leget vel cantabit. In fine au- tem Missae simplicem benedictionem, non trinam, impertiens, non audeat, more Episcoporum, praemittere Sit nomen Domi- ni et Adiutorium nostrum , sed mitra coopertus tantum- modo canat Benedicat vos omnipotens Deus....

III. Quoad § X V I : Cum petit ecclesiam, pontiflcaliter cele- braturus, Crucem pectoralem super mantelletum, et annulum in digito gestare poterit.

IV. Quoad § XVII : Protonotarius item poterit, mitra, Cruce pectorali et annulo ornatus, ad scamnum celebrare Vesperas, more presbyterorum, illius festi, cuius Missam ipse pontiflca- liter acturus est, vel peregit. Iisdem quoque ornamentis uti poterit, de speciali tamen commissione Ordinarii loci, in Vespe- ris festi, cuius Missa in pontificalibus ab alio quolibet Praelato celebratur; in benedictione cum SSmo Sacramento solemniter impertienda, atque etiam in processionibus, necnon in una ex quinque absolutionibus in solemnioribus exequiis de quibus in Pontificali Romano.

(1) Cfr. Acta S. Sedis, Vol. VII, pag. 83.