Ex Secretaria Brevium 5yi

Verum tamen expresse mandamus ne inter Equités eius- dem Militiae discrimen contingat, sed unusquisque Ordo stem- mata, insignia, arma, atque ornamenta, a Sancta Sede prae- scripta servet integerrime, ut praefata insignia Cruces, numi- smata , vestes, enses, opera phrygia, atque ornamenta, tum propria Ordinum supradictorum Sancti Silvestri Papae, Militiae auratae, ac Militiae Iesu Christi, cum ceterorum quos Apo- stolica Sedes conferre solet, sint adamussim confecta ad nor- mam exemplarium quae in Cancellaria Equestrium Ordinum, penes Nostram a Brevibus Apostolicis Literis Secretariam, iussimus asservari ; simulque prae oculis habeantur apposita schemata, quae singulis vicibus, cuilibet Equestri dignitate au- cto, de more traduntur.

Haec statuimus, mandamus, praecipimus, decernentes prae- sentes Literas firmas validas atque efficaces semper fore, suos- que plenarios atque integros effectus sortiri atque obtinere, illisque ad quos spectat plenissime suffragari; irritumque et inane si secus quidquam super his a quocumque quavis au- ctoritate , scienter vel ignoranter contigerit attentari. Non obstantibus Nostra et Cancellariae Apostolicae regula de iure quaesito non tollendo, aliisque Constitutionibus et ordinatio- nibus Apostolicis nec non supradictorum Equestrium Ordinum etiam statutis, ceterisque contrariis licet speciali mentione di- gnis quibuscumque. Datum Romae apud Sanctum Petrum sub anulo Piscatoris die 7 Februarii anno MDCCCCV, Pontifi- catus Nostri anno secundo.

ALOISIUS Card. MACCHI