572 EX S. C. INQUISITIONIS

ipso facto incurrat. Atque hoc decretum eadem S. Congregatio mandat intimari ipsi Paulo Miraglia efficaci et tuto modo, affigi publice in Sacrariis Civitatis et Dioecesis Placentinae, et notifi- cari Ordinario Piacentino et Ordinario Pactensi.

Datum Romae die, mense, et anno supramemoratis.

L. * S. Ios. MANCINI

S. Rom. et Univ. Inquisitionis Notarius.

.». » .+» DUBIA quoad decretum de lege ieiunii et abstinentiae anticipanda, vsl dispensanda

ab Episcopis (1).

Feria IV die 18 Martii 1896.

Post latum feria IV die V Decembris 1894 Supremae hu- ius Congregationis S. O. Decretum, quod incipit Cum recenter, quo facultas fit locorum Ordinariis anticipandi in alium diem, vel etiam, gravissimis de causis, dispensandi super ieiunii et abstinentiae lege, occasione solemnitatum in vetitum aliquem diem incidentium, a pluribus locis circa eiusdem Decreti genui- num sensum dubia proposita fuere quae sequuntur:

I. Utrum ad hoc, ut Episcopus dispensare valeat, ad trami- tem Decreti, necesse sit ut festum celebretur magno populorum concursu?

II. Utrum Episcopus dispensare possit quando agitur tan- tum de festis duplicis praecepti, an etiam quando agitur de alio festo vel de alia catholica solemnitate, ex. gr. de centenariis, de peregrinationibus et similibus?

III. Quomodo sit intelligendus magnus populorum concur- sus, an populorum extraneorum vel etiam eiusdem civitatis aut loci?

IV. Utrum inter causas gravissimas, ob quas Episcopus non solum anticipare, sed etiam dispensare potest, assignari valeat grave periculum quod abstinentia anticipanda non ob- servetur?

(1) Decretum hoc habes Vol. XXVII , 512.