572 EX S. G. RITUUM

riae scriptoribus, plane fateri oporteret eos nonnisi adminicuK loco haberi posse, iuxta ea quae tradit Benedictus XIV. Atqui in causa nostra non pauci quidem fuere testes, qui de Ancillae Dei virtuti- bus se nihil scivisse declararunt praeter ea quae ex lectione didi- cerunt, sed iidem de sanctitatis fama et miraculis multa retulerunt ex maiorum traditione accepta; alii vero plures reperiuntur, qui licet historias lectitarint, tamen cum scientiae causam reponant in communi et continuata jama a suis maioribus fide dignis ad ipsos transmissa, et saepe in virtutibus enarrandis traditionem prae- seferant, parem vim et auctoritatem cum probatis historicis sibi vin- dicant, aequalem que probationem constituunt. Expendant Patres E ini ea qua assolent religione ac diligentia Summarii tabulas ; in- quirant in scientiae fontes, in virtutes singulas, et ipsi dicant, ipsi iudicent utrum reapse diuturna temporis mora, quae aetatem no- stram ab illa Dei Famulae separat, specificas cuiusvis generis vir- tutum probationes in hisce causis requisitas deleverit.

A testibus ad historica documenta digrediens solertissimus Censor, postquam haec diligenter adnumerasset, unum prae ceteris omnibus maximo in pretio habendum esse declarat, Commentarium nempe vitae Dei Famulae, vix transactis sex aut septem annis ab eiusdem obitu, auctore Sacerdote Céver Andegavi typis editum, anno videlicet 1743, cuius vestigiis recentiores historici se insti- tisse fatentur; hinc de uno Céver quaerendum esse edicit. Libenter et nos cum Censore Amplissimo quaestionis limites ad hoc unum Commentarium coarctamus, reliqua in gravius de virtutibus certa- men reservantes, quippe nulla modo necessitas nos impellit nec sua- det ad alia documenta confugiendi, cum ex uno Céver opere talia emergant, quae traditione coniuncta plenam ac perfectam de fama sanctitatis Servae Dei probationem conficiant. u De tous les Histo- riens de Jeanne Delanoue, ait Testis LXIV, Céver est incontesta- blement celui qui a la plus d'autorité, il est même sous ce rapport, tout-à-fait hors ligne ". Quoniam vero idem Céver, praeter Com- mentarium typis vulgatum, codicem alterum exaravit, ubi sermones et materna monita ex Dei Famulae ore ab eiusdem sodalibus ac- cepta digessit, quumque huius codicis exemplar a Teste mox lau- dato confectum ab eodem cum aliis documentis ad suas confirman- das depositiones exhibitum fuerit, religiosissimus Fidei Vindex, an- tequam ad praecipuum opus expendendum gradum faciat, animad- vertit, obiter quidem, praefatum exemplar pro legitimo haberi non posse, utpote proprio marte a Teste confectum absque ullo S. Tri-