PINNEN. 573

Disceptat io Synoptica

DEFENSIO ARCHIDIACONI. Animadvertit huius patronus extra controversiae aleam positum esse, ius de quo agitur observantiae immemorabili inniti; ceu fidem facit hodierni Episcopi decessor, qui anno 1847 regesta curiae episcopalis rimatus, sub die 30 Decembris monuit: constare a tempore immemorabili Cathedralis Archidiáconos iure instituendi Ar- chipresbyterum Colliscorbini auctos fuisse ; idest praevia patronorum praesentatione et Episcopi approbatione.

Neque hoc dissimulare modernum Episcopum, qui tamen id ex eo evenisse putat, quia veteres Archidiaconi Cathe- dralium multa exercebant iura, quae nunc non amplius exi- stunt: et ideo cum his ius quoque instituendi archipresby- teros Colliscorbini ab usu recessisse arbitratur.

Verum Episcopi argumentatio iuxta patronum haberet pro basi et fundamento aequivocum manifestum. Animad- vertit enim, institutionem ac instituere in beneficiis multi- pliciter accipi, Barbosa de offic, et potest, episc, alleg. 72 n. 172j ac praesertim tripliciter, Van Espen iur. Eccles, univ. part. 2, sect. 3, tit. 9, c. 1, n.l - ibi - « Tres spe- cies institutionis assignat Prosper Fagnanus ad Cap. Cum ecclesia tit. de causa posses, et propriet. Prima species est institutionis corporalis, hoc est immissionis in possessionem; secunda species est institutionis auctorizabilis, idest appro- bationis ad curam animarum; tertia species, media inter corporalem et auctorizabilem, est quam vocant collati vam, » Porro institutio corporalis, differt ab auctorizabili et colla- ti va. Vicissim vero, auctorizabilis et collati va in facto mi- nime distinguuntur: quoniam illa confert officium, hoc est curam animarum, ista vero beneficium seu titulum, Barbosa loc. cit. n. 175. Hinc fit ut prima institutionis species fere non exprimatur quin ei adiiciatur epiteton - corporalis - secunda et tertia e contra promiscue uno eodemque nomine absolute nuncupari solent - institutio. -

Iamvero procul dubio prima institutionis species inter