574 Appendix II

esse censuimus, ne in canonicae iurisprudentiae discrimen ipsa obli- viscemur. Idque peragimus per istam appendicem, capta occasione causae matrimonialis pag. 542 relatae, in qua acriter de quasi domi- cilio disceptatum fuit.

Verum ut clarius aptiusque illa deprehendatur, absonum haud erit aliquod de facti specie, satis implexa, praemittere. 1 Sit itaque.

Paulus e Principi Romanorum familia, agens vigesimum sextum aetatis suae annum, nuptias appetiit Franciscae praedivitis puellae Londini, sed Anglicana haeresi infectae. Iamque in Urbe Roma, ad quam ad plures annos, hyemali tempore convenire solebant paren- tes, una cum eorum filia, cuncta quae ad nuptias contrahendas necessaria videbantur, praedisposita erant. Et Paulus mense iulii an. 1862 primo ab Urbe discedens, simul cum patre futurae uxoris Londinum contendit, ut matrimonium ibi, quo sponsa, cum reliquis de familia, iampridem redierat, contraheret. Agnoverat tamen Pau- lus difficultatem ad licite et legitime matrimonium contrahendum cum Francisca heterodoxa; ideoque adhuc Romae commorans, dispensationem ab impedimento mixtae Religionis petere curavit. Repulsami at vero passus, praetensi honoris causa, Londinum petiit; inibi apud Card. Archiepiscopum Westmonasteriensem, eamdem instauravit instantiam pro dispensatione a S. Sede obtinenda; qua iterum denegata, aliud inivit consilium.2 Etenim Paulus Parisiorum Lutetiam eadem die, simul cum sponsa eiusque parentibus commea- vit; ibique die 22 augusti 1862 domum unam conduxerunt, intra ambitum Paroeciae a Magdalena nuncupatae, ibique simul cohabi- tarunt. Paulus Parochum adiit, et per ipsum Episcopali Curiae sese sistit; cui documenta baptismatis, confirmationis et status libertatis exhibuit, dispensationem ad contrahendum cum Francisca sectae protestantium addicta, datis prius cautionibus, obtinuit; atque inde, matrimonio civili prius contracto, die vero 20 septembris 1862 in Ecclesia parochiali S. Mariae Magdalenae per verba de praesenti nuptias iniit cum praedicta Francisca. Eadem nuptiarum die coniu- ges parentibus valedixerunt, et iter arripiendo per Galliam atque Italiam, tandem in portum Centumcellarum appulerunt, ut inde

1 Quidquid factum pertingit mediis extraordinariis collectum fuit. Sed substantialia Benedictinae. Dei miseratione expleta fuisse videntur, quam- quam nonnulla desint, quae actorum integritatem respiciunt. Neque id obest fini nostro, qui solummodo doctrinam illustris Canonistae publici iuris facere cupivimus.

* Notandum est quod Paulus, etsi Parisios petierit, tamen Londinense domicilium, relinquere nequi vit, donec responsum perveniret a S. Sede. Quod responsum pervenisse Londinum videtur die 16 vel 17 septembris- Ideo ab hoc die tantum, veram voluntatem constituendi Parisiis domici, lium Paulus habere potuit.