574 EX S. G. RITUUM

eam amplectitur quae documentorum valorem tenet, licet eorum actoris nomen ignoretur, licet ea nunquam edita praeterito tem- pore in bibliothecis vel tabulariis delituissent. Eamque esse huius Sacri Ordinis disciplinam et praxim demonstrat ac perbelle illu- strat exemplis. a Profecto, quando in Sacrorum Rituum Congre- gatione agebatur (sic Pontifex sapientissimus) de virtutibus S. Iu- lianae de Falconeriis, et de Martyrio S. Ioannis Nepomuceni, ipse tamquam Fidei Promotor inter caetera opposai, contemporalibus monumentis fidem praestandam non esse, quod auctorum nomina ignorarentur : eademque oppositio facta ast ab Archiepiscopo Phi- lippensi Fidei Promotore, dum in Sacrorum quoque Rituum Con- gregatione agebatur de virtutibus Beati Ioannis Cantu. Sed ab ipsa Sacra Congregatione oppositio haec neglecta fuit, utpote vin- dicata a Postulatoribus monumentorum sinceritate atque ostensa eorum gravitate, ita ut nihil suspicione dignum in eis reperiri po- tuerit. Novum etenim non est, a viris piis et eruditis, praeteritis saltem temporibus, vitas Confessorum et passiones Martyrum fuisse conscriptas, minime apposito nomine Auctoris; quae forte num- quam typis editae fuissent, si eas edendi curam non suscepissent socii Bollandiani, et tot alii eruditi viri, qui similibus suam ope- ram praestiterunt ".

Ex hisce manifesto liquet scriptoris auctoritatem minime nu- tare, si eius nomen ignoretur, modo eius scientia atque probitas in comperto sint. Verumtamen incertum vel ignotum esse auctorem Commentarii, de quo agimus, dicere nolumus ; etenim antiqua et constans traditio passim ab historicis confirmata aperte docet non alium fuisse illius Commentarii scriptorem quam " M. Céver, Au- mônier des Dames du Calvaire de Chinon " , quemadmodum etiam asserit Testis LXIV nedum orali traditioni innixus, sed certior factus u par une petite note " quae reperitur 11 à la suite de V Epi- tre dedicatorie sur la copie manuscrite des Soeurs de la Provi- dence, qui nous apprend que V Auteur du Discours est M. Céver ". Hoc ipsum confirmatur ab altero Ancillae Dei historiógrafo A. Macé, qui item declarat: " Une copie manuscrite, qui porte la date de 1741, nous apprend que V Auteur était Aumônier des Dames du Calvaire de Chinon, et se nommait Céver ". Idem vero Test. LXIV, qui primigenia monumenta, quibus in texenda Dei Famulae histo- ria usus est presbyter Céver, suis inspexit oculis accurateque ex- pendit, licet candide fateatur, ceu in Animadversione relatum est, u Le nom de Marie Laigle n'est point écrit après le titre initial " :