S. Romana Rota 575

Si amens lucida habet intervalla,. et in his contrahit, matrimonium validum est; ut omnes Doctores affirmant. In dubio, vero, utrum haec intervalla temporis, in quibus matrimonium est contractum, fuerint lucida an non, pro parte negativa, quando probata fuit amentia ante et post, praesumendum est, iuxta doctrinam communem, ita a SanChésio expo- sitam (1. c, n. 17): « Dicendum tamen est praesumi temporis furoris « gestum esse » (matrimonium). Et ratio est, quia, cum furoris morbus, « suapte natura, perpetuus, insanabilis ac desperatus sit, praesumitur « durare omni tempore, et illa dilucida intervalla sunt per accidens, « ideoque minime praesumuntur ». Et Rota (Dec. 276, num. 7, p. 8 ; Dec. 8, num. 12, part. 13, recentior). « Dementia praesumitur medio tem- « pore durasse, stante probatione extremorum ». Item Gasparri, vol. 2, n. 884, ed. 1904; D'Annibale, tom. I, n. 150, not. 39, ed. 3.

Quoad amentiae probationem, id praesertim animadvertendum est, quod cum sit morbus, ex peritia medicorum praecipue diiudicanda est, quibus in arte plena fides est adhibenda, dummodo constet eos rite facta cognoscere, sanaque scientia pollere morumque honestate. Ait Zacchias {Quaestiones Medicos-legales, lib. 2, tit. I, De Dementia): « Quam « multa sint, quae circa hanc materiam de dementia a medicis requi- « rere Iuris-Consulti consuescant, notius ipsis est, quam ut a me lon- « gioribus demonstrari possit. Cum enim has passiones soli medici « cognoscant nec praeter rem sancitum est in 1. Semel, c. de re « indit., morbum probari per medicos curae inservientes, unde ipsis « solis creditur, cum dubitatur an testator furiosus vel demens fuerit « necne ».

Ad factum quod attinet. - Undecim sunt medici in iudicium inducti, quorum septem post matrimonium, et quatuor ante, Ioannam invise- serunt. Ex hisce quatuor, vero, Dr Van Kekem et Dr Moll e numero peritorum excludendi sunt, cum primus mulierem non curaverit, sed tanquam amicus familiae solummodo eam cognoverit, et in morbis insa- niae haud peritum>se esse fatetur; alter vero medicus nonnisi quatuor annos ante matrimonium aegrotam puellam visitaverit, quo tempore iam aegritudine nervosae indolis laborabat.

Magni quidem momenti est testimonium doctoris Anhalt, qui infir- mam puellam triginta quatuor dies in suo sanatorio apud Nassoviam tenebat paullo ante matrimonium. Ingressa est enim Ioanna sanatorium die 6 iunii 1910 et inde domum rediit die 10 iulii, die 30 augusti nuptura. Interrogatus medicus: « Può Ella ricordarsi come è stata la « condizione della di lei mente in quel tempo? », respondit: « Sì, posso