575

EX S. C. A NEGOTIIS ECCLESIASTICIS EXTRAORDINARIIS

VIENNEN.

Conceditur facultas dispensandi super impedimentis affinitatis in linea collaterali ex copula illicita provenientis in matrimoniis contractis vel contrahendis.

Beatissime Pater,

In Archidioecesi Viennensi quoad res matrimoniales adhuc et lex codicis civilis Austriaci et ius canonicum vigent. Ex dis- positione § 66 codicis civilis affinitas ex solo contractu matri- moniali gignitur, secundum ius canonicum autem impedimentum dirimens affinitatis ex copula illicita in Io et 2° gradu exori- tur (1). Cum autem populus de hoc discrimine haud facile in- strui possit, non raro evenit casus, quod, praemisso etiam ri- goroso sponsorum examine, matrimonia contrahuntur, quibus, inscio parocho, impedimentum dirimens ex copula illicita obstat.

Si eiusmodi impedimentum occultum manet, Ordinariatus vi facultatum quinquennalium dispensare potest; secus autem, si dictum impedimentum sit publicum vel facilis probationis, quod saepius accidit, cum mox contractis matrimoniis fama in ipsis locis, ubi mariti habitant, exoritur et divulgatur de copu- lis habitis inter personas, de quibus supra sermo fuit, quam- vis fideles de impedimento non loquantur ; ex fama orta ad pa- rochum notitia de impedimento venit et maximas difficultates parat.

Hisce expositis Ordinarius Viennensis, ad pedes Sanctitatis Vestrae humillime provolutus, petit, ut ipsi saltem pro certo numero casuum facultas benignissime concedatur dispensandi ab impedimento affinitatis ex copula illicita contractae, etiam

(h) Nempe secundum ius canonicum ex copula illicita, praeter impedimentum

dirimens primi et secundi gradus in linea collaterali, exoritur a fortiori idem impe-

dimentum in tota linea recta. At, quamvis S. Sedes illimitatam habeat hac in re

potestatem dispensandi, tamen Episcopo Viennensi eamdem concessit quoad lineam

tantum transversam.