576 Ex S. C. Episcoporum et Regularium

Oratorium, ubi prodigiosa imago sub titulo B. M. V. del Ca- stagno recolitur, quae in nonnullis solemnitatibus ad loci pa- roeciam transferri et publicae fidelium venerationi exponi solet. Hac,in re duplex exorta est quaestio. Prima agitatur inter Cu- riam dioecesanam et Carmelitas, qui contendunt Oratorium de Castaneo esse ipsorum proprium imo et exemptum ab Ordinarii dioecesani iurisdictione, ideoque pro dictae icónis translatione etiam temporanea consensum Religiosorum re- quiri. Altera movetur a locali parocho adversus eosdem Car- melitas, quippe qui, eius inimicis nimium indulgentes, tum solemne funus cuiusdam filiani in die tertia a morte, perso- lutis dumtaxat iustis funebriis in coemeterio absque exequiali Missa, celebrarunt, tum in festo S. Antonii Abbatis solemnem quorumdam animalium benedictionem publice peregerünt.

Allegationes Carmelitarum. Procurator Generalis im- primis sustinet proprietatem Capellae B. M. V. de Castaneo ad Carmelitas pertinere ex Bulla Inter curas Clementis VIII a. 1 6 0 3 , qui iisdem Abbatiam S. Silvestri concessit «cum suis bonis mobilibus et immobilibus, necnon sacra et profana su- pellectili...». Atqui dicta Capella non tantum in proprio Car- melitarum solo continetur, sed etiam ab iisdem extructa et semper possessa fuit, et usque ad a. 1 9 0 0 stemma Ordinis super fores praeseferebat.

Insuper idem Procurator autumat sacellum de Castaneo ab Episcopi Visitatione exemptum esse. Ex pluribus Pon- tificiis Bullis, quas recenset, constat Ordinem Carmeliticum plena ac perfecta exemptione frui, quum « personae, eccle- siae, Oratoria, domus, res aliae et loca, ac spectantia ad eadem... a cuiuscumque locorum Ordinarii... iurisdictione et dominio omnimode et prorsus in perpetuo exempta sint..; et quidquam in contrarium fuerit attentatum, illud omnino sit irritum et inane ». Qu'oniam vero huiusmodi Aedicula in agri solo exempto atque coenobio et ecclesiae adnexo extat, eo- dem exemptionis privilegio gaudere dicenda est.