IMMISSIONIS 5 7 7

stica, non laicalis; esset videlicet verum ecclesiasticum Benefi- cium per litteras Bullares Episcopi consequendum, seu per ca- nonicam institutionem : idque emebant ex eo, quod ante collata fuerit per litteras episcopales institutionales, quae ab Ordinariis expediuntur quando agitur de Beneficio ecclesiastico. Neque cen- sendum esse inquiebant id factum fuisse ex errore; sed ex ipsa capellaniae natura: ubi enim capellania instituatur, quae habeat peculiarem dotem, proprium titutulum, suum altare, certum Mis- sarum onus, ecclesiasticam esse reputandam.

Atqui neminem ex duobus Clericis obtinuisse ab Episcopo canonicam institutionem; ergo bonis capellaniae neutrum frui. posse.

Neque canonicam institutionem alterutri Clericorum posse ab Episcopo dari; propterea quod Dominicus habitum clericalem derelinquens omni iuri eo ipso ad optinendum ecclesiasticum Be- neficium valedixerit; Alphonsus vero in aetate constitutus non esset, quam sacri canones exigant ad obtinendum Beneficium: ideoque quum neuter esset idoneus infirmandam esse Curiae sententiam, quae bonorum possessionem ipsis mulieribus subtra- hens Benedicto adiudicaverat.

I URA B ENEDICTI. Hic animadvertens contra Alphonsum, se progenie fundatoris derivantem et sacra tonsura initiatum con- sequutum fuisse per sententiam Curiae bonorum possessionem, quin ullus obsisteret, contendebat, non posse removeri ab hoc acquisito iure, idque ostendere curabat, tum quia capellania non amplius vacans censenda esset sed plena, ideoque serotinus ni- mis esset interventus in causa ab Alphonso postulatus; tum quia nulla ratio suppeteret cur ab acquisito iure per Curiae sen- tentiam repelleretur. Affirmabat enim dimissionem habitus cle- ricalis non ipso iure repellere Clericum a Capellaniae posses- sione; sèd opus esse ut trina canonica admonitio praecedat, iuxta Constitutionem Benedicti X I I I , diei 1 Octobris 1724, quae incipit In supremo militantis.

I URA A LPHONSI. Alphonsi Orator, allegatis testatoris verbis, contendit capellaniam de qua agimus laicalem omnimode esse; attamen Capellanum clericum esse debere, iuxta casum, quem expendit Rigantius in Reg. 58 Cancellariae n. 5 9 ; ideoque mu- lieres eius bona possidere non posse. Neque opponi posse litte- ras institutionales, quibus una alteraque vice Episcopi Capel

Acta, tomo V, fase. L VIII. 37