577

LITTERAE APOSTOLICAE Quibus Pius PP. X commendat symbolas institutas pro amplificatione Washingtonien-

sis Academiae.

PIUS PP. X

Dileete Fili Noster, salutem et Apostolicam benedictionem.

Quae de Washingtoniensis Lycei magni fortuna, minus sane quam sit e votis laetabili, haud ita pridem significabas, magno in eadem animo curas Nostras sollicitudinemque con- vertimus. Vestigiis enim, ut est optimis con sentaneum rebus, Decessoris Nostri, in causa praesertim gravi maximarumque utilitatum, insistentes, libuit studia Nostra quae in illustrem Americae Academiam iamdudum fovimus, servare in summo Apostolatus munere, atque etiam pro facilitate exaugere. Qua- propter iucunde admodum novimus sic esse ab episcopis lau- dati Lycei moderatoribus provisum, caeterisque quorum inter- est, probatum, ut primo quoque dominico die Adventus sacri redeunte, aut, eiusmodi praepedito tempore, quo proximo do- minico die liceat, in omnibus Foederatarum civitatum ecclesiis symbolae ad amplificandum "Washingtoniensis Academiae de- cus conquirantur decem per annos. Initum communiter consi- lium frugiferum maxime censemus, cupimusque propterea at- que optamus ut in propositum Academiae bonum et universae reipublicae istius episcopi et studiosi doctrinarum religionisque fideles omni ope contendant. Rem anteire uti adiuvare gratia sua Deus benigne velit, Apostolicam benedictionem vobis et gregibus vestris ex animo impertimus.

Datum Romae apud S. Petrum, die IX Septembris MCMIII, Pontificatus Nostri anno primo.

PIUS PP. X

Dilecto Filio Nostro

Iacobo Tit. S. Mariae trans Tiberini S. R. E. Presb. Card. Gibbons

Archiepiscopo Baltimorensium et Magni Lycei Washingtoniensis Cancellario.

Baltimoram.

" S ^ ~

Acta, Tom. XXXVI. fase. CDXXX. 37

A C T A R O M A N I P O N T I F I C I S