582 EX S. G. RITUUM

revera sint in coelo boves, leones, aquilae et alia huiusmodi quae scribit Ioannes se vidisse; sunt tamen virtutes et mysteria quae per illas figuras designantur ". Quum itaque constet in ea visione clare Dei Famulam perspexisse genus vitae, ad quod divinitus vocabatur, Congregationem ab ipsamet condendam, primas Insti- tuti sodales et alia idipsum spectantia; quumque exinde animum et incitamentum maximum sumpserit ad sanctum urgendum pro- positum, seque totam divino famulatui et egenorum solamini man- cipaverit, eccur visionem illam quasi incredibilem repudiandam di- cemus? Utitur hisce modis Deus, ut amorem suum animabus sibi dilectis ostendat, easque ad sui amorem vehementius incendat. " Quia si caeco, scribit S. Gregorius, si longe a Deo posito cordi sermo divinus voce propria ac voce divina loqueretur, non cape- ret; per quaedam aenigmata misericorditer monet et revocat, et per res notas latenter ei amorem rerum non notarum insinuât ".

Sane si hoc visionis genus quasi absonum vel incredibile re- pudiandum foret, uti insinuare videtur Amplissimus Fidei Vindex, multa etiam quae in historia vitae S. Catharinae Senensis, S. The- resiae, S. Mariae Magdalenae de Pazzis, S. Rosae Limanae, S. Ve- ronicae de Iulianis, B. Margaritae Mariae Alacoque memoriae pro- dita sunt, atque fidelium admirationi proposita pie ab iisdem cre- duntur, repudianda erunt atque improbanda. Numquid harum vir- ginum aliarumque complurium historias ignorare se, aut oblitum esse fingit sapientissimus Censor? Innúmera afferre possem exem- pla ex sanctarum virginum historiis deprompta, atque luculenter ostendere revelationes id genus, visiones atque raptus haud dissi- miles ab iis, quae in Mariae Laigle commentariis de Ancilla Dei leguntur, frequenter in illis occurrere ; sed omnia praetereo, ne Patrum Emorum patientia abuti videar absque ulla rei necessitate, docente Benedicto XIV: " De qualitate revelationurn non in hoc iudicio agendum, sed tantum quando proponitur dubium de vir- tutibus. Tunc scilicet onus est Fidei Promotoris strictim perpen- dere qualitates eius, cui apparitio, visio aut revelatio facta est, earumque modum et effectus inde productos ". Patet igitur eius- modi narrationes historici veracitatem eiusque probitatem minime laedere aut obscurare posse, praesertim si ex Dei Servorum ore, uti in specie nostra, acceptae sint, tradente laudato Pontifice : u ab- sonum profecto esset fidem non praestare his quae Servi Dei de seipsis retulerunt " : easque potius luculentum praebere argumen- tum de eximia scriptoris sinceritate, quippe qui illas impune reti-