583

LITTERAE APOSTOLICAE

( 1 ) Cfr. Acta S. Sedis, vol. XXXIII , p. 286.

Quibus Pius PP. X Patriarcham Lisbonensem caeterosque Lusitaniae Antistites in- citat ut vires suas ad maiorem incrementum Collegii Clericorum Lusitanorum de Urbe conferant.

DILECTO FILIO NOSTRO

IOSEPHO SEBASTIANO

TIT. BASILICAE DUODECIM APOSTOLORUM

S. R. E. PRESBYTERO CARD. NETO

OLYSIPPONENSIUM PATRIARCHAE.

Dilecte Fili Noster, salutem et Apostolicam benedictionem.

Supremi pastoralis muneris, quo in Christo fungimur, pars quidem non ultima est exterae iuventutis variis domiciliis in Urbe positis omni utilitate prospicere, ubi iuvenes omni ex gente delecti in spem Ecclesiae veluti in plantario succrescunt. Hi enim quasi in oculis Nostris quotidie versantes, incorruptam Christi sapientiam ex ipso Petri fonte hauriunt, quam sacerdo- tio aucti iidemque in patriam remissi faciliori ratione inter suos praedicare consueverint. In horum collegiorum numero illud quippe recensemus, ubi nos Lusitanae iuventutis ad sacerdo- tale munus formatur : quod a Leone XIII immortalis memoriae Decessore Nostro conditum (1), veluti ceteris aetate in Urbe re- centius est, ita maiori cura atque effusiori caritate complecti- mur. Emolumentorum enim non mediocris copia brevi tempo- ris spatio exinde relata certam ampliorum fructuum spem prae- bet, qui in Lusitanum Clerum in posterum dimanabunt. Porro sacrorum alumni eo recepti iidemque dilecti filii Iacobi Sini- baldi Sacerdotis optima disciplina instituti, virtutis doctrinaeque laude sic florent ut non modo facile hic Nobis coniectare liceat eorum ministerium religioni aeque minus civitati fore perutile, sed ipsimet iam pridem constituerimus omnes vires Nostras in huius Instituti bonum unitatemque conferre. Verum in tanta benevolentis animi, qua ducimur, propensione, dolet vehemen- ter quod non Lusitani omnes inceptis studiisque Nostris eo ani- mi ardore consenserint, quem operis excellentia expostulabat. Qua ex re factum putamus ut incerti quidam rumores serpant