584 IURIS FUNERANDI

rochi ratione agendi subiisse libell- 1400; illudque sibi esse gravissimum, propterea quod vivere non possent ex tenuibus pensionibus quas, subtractis bonis, Gubernium rependeret.

Rogatus de more Episcopus inter cetera retulit, petitionem Regularium S. Congregationi exhibitam reduci videri ad damnum quod subierint ob neglecta pacta ; nihilominus totam iuris quae- stionem esse dirimendam ; quod si quaestio, violatis sacris cano- nibus, moveretur apud civilia tribunalia, inita et confirmata Regularium pacta a Gubernio forte non admitterentur ob legem suppressionis ; suamque esse sententiam, ut omissa .quaestione de damno quod difficile esset aestimare ob contradictionem partium, in posterum leges ecclesiasticae, nominatim vero prae- scriptiones synodales servarentur ; maxime autem id quod res- piceret prohibitionem ne augerentur taxae ratione funeris in ecclesia Regularium peragendi : rogavit etiam, ut tolleretur usus, qui invaluerat, determinandi occasione Baptismatis ecclesiam fu- nerum, si puer moreretur : concludebat autem servanda esse pacta anni 1744.

Servatis de more servandis causa proposita est coram S. G- sub dubitandi formulis quas infra ponimus.

D i s c e p t a t i o s y n o p t i e a .

I URA P AROCHI. Inquiebat Parochus testatores, parentes et heredes defuncti ius facultatemque habere determinandi eccle- siam funerum; eandemque liberam fidelium facultatem limitari non posse per dicta pacta seu transactionem initam inter partes : transactionem enim respexisse iura ecclesiarum, non autem po- tuisse ligare voluntatem paroecianorum, qui partem haud habue- runt ad actum illum firmandum.

Hoc posito, se neque coegisse neque allexisse paroecianos, ut suam potius, quam alteram ecclesiam eligerent ad peragenda funera; immo eisdem commemorasse transactionem inter duas ecclesias initas : nihilominus eos voluisse in ecclesia paroeciali funera, quia, ratione publici coemeterii, defuncti in ecclesia Regularium sepeliri non possent, atque causa cessaverit cur in hac ecclesia funera peragi deberent. Se autem passive quidem se habere ; non tamen a peragendis funeribus eximere se posse, quin in poemas a civili auctoritate sancitas incideret.