584 HISPANIARUM ETC.

plenitudine paribus, perpetuo, itidem substituimus, ponimus et subrogamus. Huic tribunali Rotae sic erigendae, cognitio prae- fatarum causarum a pro tempore existente Nostro et apostoli- cae Sedis in Hispaniarum regnis Nuntio committenda erit, iis- dem modo et forma, quibus tribunal nostrum Signaturae Iu- stitiae nuncupatum causas in hac alma Urbe Auditorio Rotae Romanae committere semper assuevit ».

Prosequitur deinde Bulla numerum iudicum determinare, qui per « turnos », ut aiunt, causas iudicarent et quid sit fa- ciendum statuit, cum sententiae fuerint diversae. Sex esse de- bent huius Rotae iudices ad praesentationem Regis Hispaniae nominandi. - Postea iurisdictionem Rotae limitat modo sequenti - « Non autem omnes causae a Nuntio praedicto tribunali novae Rotae huiusmodi committi poterunt, quandoquidem illae exem- ptorum et residentium seu commorantium in Provinciis eorum- dem regnorum, ut imposterum idem Nuntius causas huiusmodi vel locorum Ordinariis vel Iudicibus synodalibus earumdem Provinciarum, reservata Nuntiaturae apostolicae appellatione committere debeat ac teneatur, motu, scientia et potestatis ple- nitudine similibus statuimus et mandamus ; in aliis vero causis, quae in gradu appellationis interpositae a sententiis Ordinario- r u m vel Archiepiscoporum huiusmodi regnorum, in secunda aut tertia instantia ad nuntiaturam praefatam devolvantur, pro tempore existens Nuntius praedictus, serio perpensis omnibus circumstantiis causarum praefatarum et personarum et distan- tiae locorum, servata, quoad fieri poterit, dispositione ss. Cano- num et Conciliorum, sine gravi causa lites et litigantium per- sonas extra earum respective Provincias trahere prohibentium, easdem causas vel Iudicibus synodalibus Dioecesum vel novae Rotae praedictae committere debeat.

« In aliis autem causis criminalibus, id totum adamussim, omnino ac perpetuo servandum erit quod a Concilio Tridentino, sacris Canonibus et apostolicis Constitutionibus praescriptum reperitur circa appellationes et recursus in iis omnibus quae compatibilia sint cum nova hac iudicandi forma, per praesen- tes Nostras Litteras instituta; hincque gradualis et legitimus ordo semper servabitur in admittendis, recipiendisque appellationibus et quocumque recursu, ita ut in prima instantia omnibus Ordinariis salva perpetuo maneat iudicandi facultas, ac regularis monastica disciplina, quoad correctionem Regularium firma Consistat».