584 MOTU PROPRIO

ad Lusitani Collegii decus minuendum ab iis plane conflati, qui aut animum Instituto iniuste adversantem gerunt aut conditio- nem eius male docti levi mente diiudicant

Quae omnia tibi, dilecte Fili Noster, aperire voluimus ut quibus caritatis et iustitiae sensibus praestas omnes et singulos religiosissimos Lusitaniae Antistites de hac mente Nostra cer- tiores faceres eosque omni officiorum genere incenderes in hoc opus, quod quum iis summo emolumento erit, tum genti ve- strae universae decore insigni futurum esse promittit. Interea bene sperantes ut Virginis ab omni labe immunis patrocinio omnia feliciter exeant, et tibi et omnibus Venerabilibus Fratri- bus Lusitaniae Episcopis benedictionem Apostolicam amantis- sime impertimur.

Datum Romae apud S. Petrum die X I X Aprilis a. MCMIV, Pontificatus Nostri anno primo.

PIUS PP. X

~^|^~

MOTU PROPRIO Gratiae et Privilegia Clericis Conclavistis postremi Conclavis concessa.

Peculiaria quaedam benevolentiae Nostrae argumenta dile- ctis filiis, ecclesiasticis viris daturi, qui Nobis et Venerabilibus Fratribus Nostris Sanctae Romanae Ecclesiae Cardinalibus in Conclavi, quo divina favente clementia ad Summum Pontificatum assumpti fuimus, operam adhibuere, aut variis ibidem muneri- bus sunt perfuncti, traditam a Decessoribus Nostris consuetu- dinem sic sane tenuimus, quemadmodum per conditionem tem- porum licuit. Quapropter id maxime gratiarum privilegiorum- que genus animo spectantes, quod esset cum eorumdem Con- cia vistarum praesenti utilitate coniunctum, haec auctoritate No- stra Nostroque Motu proprio decrevimus:

I. Clericis Conclavistis S. R. E. Cardinalium in Urbe com- morantium aut Italiae dioecesibus praesidentium libellae centum et quinquaginta singulos in annos, pensionis nomine, erunt.

II. Gratiae, provisiones aut commendae quorumvis benefi- ciorum ecclesiasticorum, Litteraeque Apostolicae de hisce con- ficiendae, gratis iisdem semel tantum impertientur.