HISPANIARUM ETC. 585

Describit postea S. Pontifex modum deputandi tum asses- sorem, tum abbreviatorem novi tribunalis, et deinde clausulam summi, ut mihi videtur, momenti addit: « Ipsius, tamen pro tempore existentis in Hispaniarum regnis Nuntii iurisdictionem et auctoritatem in nihilo imminutam, mutatam vel innovatam esse, per praesentes decernimus et declaramus. Quocirca om- nibus et singulis facultatibus, auctoritatibus et privilegiis quibus ipse, tamquam Sedis praefatae de Latere Legatus, iuxta Lit- teras Apostolicas in simili forma Brevis, pro unoquoque ex huiusmodi Nuntiis expediri solitas, antea fruebatur, gaudebat et potiebatur, eum quoque imposterum iis omnibus gaudere, frui et potiri debere volumus, praecipimus atque decernimus. Neque eiusdem Nuntii omnimodam iurisdictionem, auctori- tatem, et facultatem per praesentes Nostras Litteras, vel per alias quascumque ordinationes ac regulas , quae quoad no- vum tribunal Rotae, sic erigendae, in futurum etiam decerni ac praescribi contigerit, in aliquo immutatam, diminutam et in- novatam, sed perpetuo sicuti prius, ita et imposterum firmam omnino manere debere, motu, scientia et potestatis plenitudine paribus statuimus etiam et ordinamus. »

His omnibus perpensis, facile intelligitur, rationes non sper- nendas stare pro utraque parte. Rota argumentis saltem valde probabilibus fulcitur, definitivam proferendo sententiam; neque leviter aut imprudenter agunt Episcopi hanc sententiam re- spuendo, sicuti fecerunt ad S. Sedem confugientes.

Res primo S. Cong. super Negot. Eccl. extraord. delata, ab hac ad S. C. C. remissa fuit, ut quaestio iudicio EE. PP. submit- teretur, prout reapse fuit submissa. Die etenim 14 Iunii 1890 in S. C. C. propositum fuit dubium - « An sententia Rotae Matri- tensis ex competentiae defectu nulla et irrita sit in casu » ; et EE. PP. responsum dederunt : « Dilata et exquiratur votum Consultoris, reassumptis omnibus ad rem facientibus, et ad mentem » - Mens est: scribendum esse illi Nuntio Apostolico ut interim donec quaestio dirimatur, Rota matritensis a quo- vis ulteriori actu, hac in re abstineat.

Cum mihi, ait Consultor, m u n u s demandatum sit votum in quaestione scribendi, post attentam instrumentorum omnium considerationem, melior et clarior mihi non occurrit voluntati S. C. obtemperandi modus, quam exhibere EE. PP . in ordine: 1. Rationes ab Episcopis a l l a t a s : - 2 . Illas quibus Rota videtur