586 IURIS FUNERANDI

Quod si tamen contra Parochum iudicaretur, aequum non videri cogere eundem Parochum ad emolumenta percepta resti- tuenda ; propterea quod non dolo sed firmissima iuris opinione ea perceperit, bonaque fide forte consumpserit : neque proinde locum obtinere iuris sanctionem, cap. 1 de sepult in 6, in quo de his agitur, qui extorserint promissionem eligendi sepulturam in ecclesiis non debitis, de quibus sancitum extat: « Si vero iidem religiosi vel clerici praedictos in suis ecclesiis vel coemeteriis prae- sumpserint sepelire, ad restitutionem tam sepultorum corporum (si petantur) quam etiam omnium quae occasione sepulturae illorum pervenerint quomodolibet ad eosdem ... integraliter faciendam ipsos obligatos esse censemus ».

I URA R EGULARIUM. E converso Regulares affirmabant, Paro- chum contra transactionem studuisse paroecianos inducere ad itinerandum in paroeciali ecclesia, rationibus insinuatis tum ex publico coemeterio, tum ex suppressione Regularium : immo tran- sactionem violasse, propterea quod contradixerit Regularibus eo- rum quoque funera, qui sepulcrum gentilitium haberent in dicta Regularium ecclesia, vel ibique sepulturam elegerint, sive cum defuncti parentibus agendo pro funeris exsecutione in paroeciali ecclesia, sive callide ingerendo eisdem opinionem maiorum ex- pensarum, quas subire deberent in ecclesia Regularium.

Negabant praeterea Regulares, parentibus vel heredibus fa- cultatem esse eligendi defunctis suis sepulturam, seu ecclesiam funerum; propterea quod, si defuncti sepulturam sibi non ele- gerint, praesumi legitime debeat eos sepeliri voluisse in ecclesia, quae sive ex communi sive ex speciali iure sibi conveniat. Quare si secus fieret, eorundem voluntas, iure praesumpta, violata di- cenda esset.

Neque paroecianos in transactione ineunda intervenire debuis- se, quum ius non haberent ad contradicendum. Neque eosdem posse declinare ecclesiam Regularium ratione maioris taxae (quam ideo maiorem Regulares dicebant, ob iura associationis quae Parochus praetenderet), quum tribuere non posset titulum parentibus vel defuncti heredibus pro arbitrio ecclesiam funerum eligendi. Neque timendas esse civiles leges, in quarum sanctionem tum quidem Parochus incideret, si abstineret a funeribus pera- gendis illis mensibus, qui sibi pertinerent.