586 Allocutio

sionis ii qui defecerant constituerunt; magni enim fortisque

animi nobile ac arduum praebens exemplum, lapsum se palam

fateri non erubuit, honores et officia non iure quaesita sponte

abdicavit, errorem suum salutari poenitentia curavit expiandum;

tum ita actus moresque composuit, ut sincerae conversionis

aperta praeferret indicia ; ad Nos demum accedens subiectionis

et obedientiae illustria exhibuit argumenta. Quare et clementer

agendum cum eo duximus, et praeter usitatum disciplinae

ecclesiasticae morem eidem indulgendum putavimus ut episco-

palibus insignibus ornatus incederet. - Faxi t Deus ut caeteri

omnes, qui transfugam in defectione infausta sunt sequuti ad

castra Israel ultro redeuntem quantocius imitentur.

Interea vero dum ea spe nitirnur, gratulandum Nobis est

quod diuturno certamine consopito, catholicus Armeniorum

coetus eiusque Patriarcha legitimus, pacem nacti cum digni-

tate, in possessionem iurium suorum ab Imperiali Gubernio

Othomanico fuerint restituti. Qua de re meritas eidem Gubernio

laudes conferimus, quod, agnitis semel adversariorum calum-

niis, ea libenter catholicis tribuerit, quae ipsorum ius et aequi

Imperantis officium flagitabant. Hoc enim facto manifesto signi-

ficavit, certum sibi ac destinatum esse, omnia fideliter exequi

quae de libero catholici cultus exercitio in Othomanica ditione

tuendo, in publicis pactis conventis cum potentissimis Europae

gentibus anno superiore cauta et constituta fuerunt.

Pro his itaque, Venerabiles Fratres , quae feliciter eve-

nerunt, immortali bonorum omnium Largitori Deo maximae

agendae sunt gratiae, ab eoque suppliciter expetendum, ut

eadem rata firmaque esse iubeat, novisque in dies provehat

incrementis.

Haec habuimus quae Vobis hodierna die de Orientalium

Ecclesiarum rebus breviter diceremus.

Nunc vero gratum est Nobis, Venerabiles Frat res , publi-

cam exhibere significationem Nostrae dilectionis et studii erga

amplissimum Ordinem Vestrum, quem ab initio Nostri Pon-

tificatus carissimum Nobis esse, ac praecipua semper in exi-