586 TUDERTINA

lor 6900 libellarum computatur. At hic 7500 libellis pro hypothecariis cautionibus obligatus seu oneratus existit: spe- rant equidem oratores duas priores hypothecas, complexive libellarum 5500, posse progressu temporis deleri; sed Epi- scopus propter arctam familiae conditionem eamdem spem non fovet.

Quidquid tamen sit de hoc, modo tres fratres petunt 1. absolutionem de praeterito, ob ea praesertim quae patrem suum commisit, 2. ut ex tribus beneficiis unum fiat, ma- iori ex ipsis, sacerdoti Aloysio, conferendum et oneratimi 45 missis ex quibus 25 celebrandae essent ad altare SSmi Crucifixi, 10 ad s. Martini, 10 ad s. Annae. Episcopus et capitulum ad rem rogati assentiuntur ad beneficiorum unio- nem, et onerum reductionem, et ad collationem favore sa- cerdotis Aloysii faciendam.

Disceptatio Synoptica

Hisce in facto enarratis, animadversum fuit commuta- tiones voluntatis et praesertim reductionem missarum non- nisi ex necessitatis aut evidentis ac magnae utilitatis causa posse probari: itemque uniones beneficiorum esse odiosas et pene instar alienationum haberi ex cap. S in fin. De his quae fiunt a prael., Reiffenstuel in lib. III tit. XXI I . num. 68 aliisque.

Ast haec omnia subordinata sunt ad speciales factorum circumstantias, et ad necessitatis casus. Nunc in facto est, culpa vel non, certissime tamen quod dos trium beneficiorum ferme periit, et quae supersunt vix ad unum beneficium do- tandum sufficere videntur.

Hisce praenotatis, quaesitum fuit quomodo preces es- sent dimittendae.

R E S O L U T I O . Sacra Cong. C. re cognita, sub die 21 Au- gusti 1886 censuit respondere: Praevia absolutione quoad praeteritum, pro gratia, ut tria beneficia ad unum redu- cantur cum annuo onere 45 missarum, ad tria altaria