586 SPALATEN.

administrationem occuparet. Itaque post annum 1882 con- centus nationalis municipalis evasit.

Iamvero mos erat ut in octava* corporis Domini solemnis supplicatio ab ecclesia S. Crucis cum pii sodalitii interventu in suburbio Magno fieret. Anno itaque 1882, aut 1883, pa- rochus S. Crucis et aeditui -, ceu ipsis ius erat et iuxta re- ceptum usum, utrumque concentum invitarunt, et concentui nationali, utpote eo anno municipali, primum locum ex curiae ordinatione assignarunt. At res non arrisit maioritati so- dalium, qui contrariae factioni erant addicti, quique ideo vi adhibita conati sunt huiusmodi concentum aut in inferiorem locum reiicere aut prorsus excludere. Cum vero dissidium effervesceret, ne maiora mala evenirent, vis armata in- tervenit.

Hoc turbarum initium ; sed cito alia plura mala subse- quuta sunt. Siquidem sub finem uniuscuiusque anni sodali- tatis praesides, una simul cum quibusdam ex senioribus vec- chiardi iuxta statuta convenire debent ut officiales pro 'se- quenti anno eligant. Anno itaque 1883 praesides senioresque complures convenerunt, et futuros sodalitatis moderatores elegerunt. Id "contigit die 27 Octobris. At facta electio, qua de causa nescio, sed haud temerarium est supponere ex ci- vilium factionum motivo, maioritati confratrum non arrisit. Convenerunt itaque 89 fratres, et officiales sibi bene visos constituerunt. Ordinarius rem improbavit, ipseque politicus urbis magistratus eidem subscribendum haud censuit : ve- rumtamen electi sub die 3 Novembris, utpote a maioritate confratrum suffulti, in officio perstiterunt.

Interea sodales bis generalia comitia habuerunt, diebus nempe 15 Novembris 1883 et 15 Iunii 1884, quin tamen politicum urbis magistratum, capitano distrettuale, iuxta civilem legem admonerent.

His de causis die 19 Iunii 1884 urbis praefectus ad Episcopum scripsit ab eoque quaesivit, utrum expediret, pu- blici ordinis gratia, ut dictum Sodalitium supprimeretur. Episcopus die 2 Iulii respondit hoc expedire, quatenus quis