EX S. G. RITUUM 587

constituendum actum heroicum necesse est, ut idem ille actus sub praecepti imperio minime sit, docente Benedicto XIV, virtutem he- roicam specie haud differre a non heroica, cum tam virtus chri- stiana heroica, quam non heroica, ad summum bonum superna- turale tendat, et heroicitas nihil aliud sit, quam perfectio virtu- tis, quae idcirco efficere non potest, ut haec ab illa differat spe- cie. Et cum multa sapientissimus Pontifex de virtute heroica dis- seruisset, iterum tradit heroicitatem nihil aliud esse, quam operis excellentiam, quae ab ipsa operis arduitate ut plurimum causam habet et originem; atque operis excellentiam et arduitatem iudican- dam esse habita ratione circumstantiarum ; si enim ex. gr. puer ieiunet, uti legitur de S. Nicolao Myrensi Episcopo, id utique erit aliquid excellens; at tale non erit, si ieiunium fiat ab aliquo iam viro facto ; si Rex, aut Princeps infirmis ministret in nosoco- mio, uti legimus factum a S. Ludovico Rege Galliarum, id habe- bitur pro opere excellenti : at pro tali non habebitur, si fiat a viro infimae conditionis.

Antequam igitur incusari liceat Ancillae Dei Sorores, quasi virtutes ad eius sanctimoniam ostendendam proprio ingenio exag- geraverunt, eo quod praecepti observantiam abstinendi diebus festis a commercio veluti heroicae virtutis actum un sacrifice héroïque habuerunt ac designarunt, iuxta nuper expositam Praeceptoris no- stri doctrinam singula praecepti ipsius adiuncta sedulo expendenda sunt, ut operis arduitas recte existimari valeat. Matre orbata Dei Famula, dum vigesimum quartum aetatis annum attigerat, patre qui mercaturam faciebat iampridem amisso, simul cum nepte vivere et tabernulam habere coepit. Et quoniam regionis mos erat, ut die- bus quoque festis, quibus minuta plebs reliquo tempore agricul- turae aut opificiis addicta oppidum frequentior celebrabat, merca- tores etiam probi commercio vacarent, patrium morem Serva Dei tranquillo tenebat animo. Hisce si adiicatur naturale quoddam par- simoniae studium, quod post matris obitum in Dei Famula magis actum est atque ab avaritiae sorde parum distare videbatur, ma- nifesto intelligitur quantum molestiae eidem attulerit conditio, quae a religiosissimo Sacerdote Gennettau iniuncta ipsi fuit, quantum arduitatis praeceptum, ne diebus festis commercio vacaret, et quam recte eius implementum aestimatum fuerit un sacrifice héroïque. Sicuti eximiae virtutis vir vel liberalissimus quisque dicendus est, qui haud exiguam rei familiaris iacturam facere sponte patiatur, ut ceteris observantiorem divinorum mandatorum se praebeat; ita