588 Matrimonii

conficit, quos fide dignos Archiepiscopalis Curia renuntiavit.

Quamobrem etsi interiecta haec morae spatia coniungerentur,

mensis deficeret. Sed coniungi minime posse tuetur, mora

enim mensis quam ius requirit omnino constans ac permanens

esse debet, auctore Ursaya, Disc, eccl., t. 2, par. i, disc, io,

n. 2Ç : ac mens iuris est, assidua conversatione contrahentes

in vicinia innotescere : Bened. X I V , in cit. Const. Paucis ab

hinc hebdomadis. At permanens certe habitatio dici non potest

quae in morem transeuntis interdum triduo fit, longa semper

interiecta absentia.

Praeterea deficere etiam ostendit praecipuam animi con-

ditionem. Et sane si non permanendi consilio quis habitet,

sed qua demum cumque precaria ratione, sive peregrinationis

sive negotii, sive itineris, sive rusticandi, haec habitatio ne

per annum quidem producta quasi domicilium parit, nec iuris-

dictionem paroeciae tribuit. Hoc defensor ex iure communi

deducit primo per Text. in cap. Is, qui de sepult, in 6.

Ulpian., in I. i, § g, ff. de his qui effud. deinde in paro-

chialis iurisdictionis casu quoad matrimonia ex Bened. XIV

cit. inst. 33; Pignatelli, Consult, canon., t. 3, cons. 76, n. i; De Luca, De matrim., disc. 1, n. u; et Fagnanus, in cap.

Significavit de paroch., n. 27. Quod autem Albertus numquam

in Neo-eboracensi civitate ad longum tempus consistere volue-

rit, sed eam petierit peregrinationis et hospitii causa, tum ex

animi destinatione, tum ex facto ipso demonstrat. Animi desti-

nationem varia itinera ineundi, et itinerum comites et alii

probant. Evincunt etiam mulieris litterae, quae de his itine-

ribus ac de disiectissimis ab Alberto propositis loquebantur,

ita ut mulier utrum Albertus et ubi consisteret, seu potius

rediret, incertum semper fateretur. Norat etiam Neo-ebora-

cense hospitium praesertim ad itinerum commoditatem petitum

fuisse. Et factum animo respondit. Re enim vera quinque iis

mensibus Albertus in variis Americanae regionis provinciis

itinera et moram fecit: multo citius in Galliam reversurus, ut

testes narrant, nisi aliud parentes suasissent.