IURIS FUNERANDI 589

ex sanctione civili ortus validum fundamentum non haberet ; neque omiserit Porochus studiose agere, ut heredes induceret ad eligendam potius paroecialem, quam Regularium ecclesiam.

De abusu autem inducendi parentes, ut actu Baptismatis eligerent infanti ecclesiam funerum si moreretur, adnotatum est, districte esse prohibitum a ss. canonibus Clericis sive Saecula- ribus sive Regularibus, ne aliquos ad vovendum, iurandum, vel fide interposita, seu alias promittendum inducant, ut apud eorum ecclesias sepulturam eligant ; Cap. 1 de sepult, in 6. Et iisdem in Clement. 3 de poenis, excommunicationem ipso facto incurren- dam fuisse inflictam ; quamquam auctores postea disputaverint, an haec sanctio Parochum quoque comprehenderet, ut videre est apud Bonacinam tom. 3 de excomm. in part. extra Bullam coenae disp. 2 q. 5 punc. 4 n. 5, et Monacell. t. 4 suppl, ad test, tom. n. 60, aliique. His aliisque animadversis proposita sunt re- solvenda.

D u b i a .

I. « An, constituto publico coemeterio, ad Regulares (N.) « pertineat ius celebrandi funera et percipiendi emolumenta men- « sibus designatis in transactione anni 1744 ri casu ».

II. « An constet de iure parentum vel heredum eligendi pro « lubitu ecclesiam funerum eorum defunctis in casu ».

III. « An, et ad quae emolumenta teneatur Parochus resti- « fuere Regularibus (N.) in casu ».

R ESOLUTIO. S. Congregatio Episc, et Reg. die 6 Maii 1870 spondere censuit :

Ad I. Affirmative. Ad IL Negative ; et ad mentem : mens est, ut, salvo iure pa-

tris eligendi sepulturam filio impuberi ante illius mortem, non liceat id peragere in actu baptismatis vel in actu proximo.

Ad III. Affirmative et ad mentem: mens est; ut Ordinarius procedat de bono et aequo ad liquidationem, onerata etiam con- scientia Parochi, vetito quolibet recursu ad iudices laicos: qui Ordinarius ad formam synodi provideat moderationi taxae iu- rium parochialium pro defunctis funerandis in ecclesia Regula- rium (N.).