SPALATEN. 8 8 9

statutum diei 27 Iulii 1884 iterum suppressit eiusque bona iterum ecclesiae parochiali adscripsit.

Sodalitas ad Ministerium negotiorum internorum Status denuo et ipsa appellavit ; sed reiecta, ad supremum tribunal Imperii provocavit, a quo sub die 19 Ianuarii 1887 formali sententia obtinuit, ut, decreto locumtenentis et rescripto Ministerii Status cassatis, in integrum restitueretur.

At Episcopus statim ac rem cognovit, potius quam so- dalitatem in foro ecclesiastico restituere, eam gravius magis- que explicite compescuit; siquidem die 20 Februarii 1887, iterumque die 24 Maii 1887 ad parochum S. Crucis literas dedit : quibus significavit omnino non posse eandem admit- tere confraternitatem, non obstante auctoritate civili, quae recursum admisit, ad explendas in ista Ecclesia quasvis fun- ctiones ecclesiasticas ; idque eo magis quia in eadem Ecclesia paroeciali erecta est, praevia ecclesiastica et politica aucto- ritate Confraternitas ssmi. Crucifixi, et superfluum sit alia inibi existere sodalitia ; dum licitum sit unicuique dare nomen novae Sodalitati a SSmo Crucifixo.

Incassum sodales Episcopum adierunt et rogarunt ut a data sententia recederet: unde tandem die 9 Iunii 1887 ad Metropolitanum recursum habuerunt: qui, excepto libello, auditoque in scriptis suffraganeo Episcopo, die 8 Augusti eiusdem anni 1887 sententiam tulit, quae, pluribus perpensis, ita explicit: Forum metropolitanum propria auctoritate, irritat decreta curialia dierum 16 Februarii 1884, et 24 Maii 1887, et habet ceu adhuc existentem confraternitatem s. Crucis Spalati, eamque reddit ad suum statum anteriorem.

At Episcopus statim ac notitiam huius sententiae accepit ad S. Sedem provocavit, et litteris, quae seorsim typis mandantur, ac documentis litteras comprobantibus nisus est se suaque acta tueri. Vicissim ad sententiae propugnationem Archiepiscopus longam epistolam exaravit. Sodalitatis autem praeses Mladinich S. Sedem coram adivit peculiaremque pa- tronum sibi elegit qui ante S. C. C. suam causam peroraret.

Datum itaque fuit die 11 Augusti 1888 decretum ponatur