MOTU PROPRIO 589

R. P. D. Ambrogio Amelli O. S. B., priore di Montecassino. R. P. D. Ugo Gaisser, O. S. B., dei Collegio greco di Roma. R. P. D. Michele Horn O. S. B., del Monastero di Seckau. R. P. D. Raffaele Molitor O. S. B., del Monastero di Beuron. Prof. Amedeo Gastoué, di Parigi.

( Versio) PIUS PP. X

Nostro Motu proprio diei XXII Novembris a. MCMIII et subsequenti Decreto, Nostro iussu a SS. Rituum Congregatione die VIII Ianuarii a. MCMIV edito (1), Ecclesiae Romanae illum vetustiorem cantum gregorianum restituimus, quem ipsa a ma- ioribus accepit, quem in codicibus liturgicis fidelissime serva- vit, quemque novissima studia ad pristinam puritatem felici exitu revocarunt. Ut vero inceptum opus, veluti decet, perfi- ciatur, et Nostra Romana Ecclesia omnesque eiusdem ritus Ec- clesiae communem textum melodiae liturgicae gregorianae ha- beant, typis Nostrae Officinae Vaticanae libros liturgicos can- tum S. Romanae Ecclesiae a Nobis restitutum continentes eden- dos decrevimus.

Quod vero omnia eveniant pleno consensu eorum omnium, qui a Nobis vocantur et vocabuntur ut operam dent propriis studiis rei tanti momenti, nec labor diligentia et alacritate sit vacuus, quae sequuntur statuimus:

a) Melodiae Ecclesiae, quae gregorianae dicuntur, in sua integritate et puritate iuxta vetustissimorum codicum fidem, restituentur, ita tamen ut peculiaris ratio legitimae traditionis habeatur, quae in codicibus per tot saecula et praxi hodiernae liturgiae continetur.

b) Ob vero Nostram praecipuam dilectionem erga Ordi- nem S. Benedicti, agnoscentibus Nobis operam a Monachis Be- nedictinis adhibitam in genuinis melodiis Ecclesiae Romanae instaurandis, et praesertim ab iis Congregationis Gallicae et Monasterii Solesmensis, volumus ut pro hac editione, redactio partium cantum continentium, praecipue Monachis Congrega- tionis Gallicae et Monasterii Solesmensis detur.

(1) Cfr. Acta S. Sedis, vol. X X X V I , p. 329, 387 ei 426.