590 IURIS FUNERANDI

Ex QUIBUS COLLIGES :

I. Per constitutionem publici coemeterii mutari dumtaxat materialem dormitionis locum ; non autem mutari ecclesiarum iura (1).

II. Per illegitimam Regularium suppressionem non posse supprimi ecclesiastica eorundem iura, neque eadem iura cessare si familiae Regulares aliquo modo persistant et convivant, quam- quam coram civili lege tamquam ecclesiastica Instituta non agno- scantur (2).

III. Quare hisce manentibus, sarta tectaque manere iura fu- nerum, quae ad Regulares legitime in suis ecclesiis pertineant.

IV. In libertate fidelium esse sibi eligere funerum ecclesiam, ut ante liberum erat sepulturae ecclesiam sibi eligere, quarta funerum Parocho repensa (3).

V. Eiusmodi libertatem subesse tamen debere legitimis lo- corum consuetudinibus vel conventionibus ecclesiastica auctori- tate firmatis pro iurium moderamine.

(1) Confer Causam quam exposui in Vol. I, pag. 81 et quae scripsi ibid. pag. 124 et in hoc Vol. pag. 221.

(2) Si Regulares vel quaevis alia ecclesiastica Instituta per illegitimam suppressionem ammittant ecclesiastica iura, id non accidit ex vi legis civilis ; sed ex dissolutione subiecti cui iura illa inhaerebant: quare si subiectum aliqua ratione permaneat, permanent et iura. Confer quae scripsi in Vol. III, pag. 141 et pag. 156, nec non in Vol. I, pag. 168.

(3) Heic quaeri potest, qua ratione se gerere possint Ecclesiae funerum, si per civiles leges impediantur quoque quominus cadavera fidelium in eisdem exponantur ? De hoc quaesito extat De- cretum C. SS. RR. quod adduxi in Vol. III, pag. 658. Quaesitum enim fuerat : « Quum leges municipales pro- h i b e a n t , quominus ad ecclesiam de- « ferantur cadavera defunctorum, ac « proinde numquam funera institui « possint praesente cadavere, quaeri-

« tur an, non celebrata Missa de Re- « quie die sequenti non impedita, ea « celebrari possit die vel tertia vel se» « ptima vel trigesima ? ».. Cui S. C. re- spondit : « In casu standum alias De- cretis, praesertim in Florentina die 25 Aprilis 1751, ubi diebus etiam fe- stivis de praecepto et duplicibus se- cundae classis permittitur una Missa solemnis de requie cum absolutione et precibus quae in die obitus fieri et recitari solent, etiamsi cadaver ob civiles praescriptiones non sit prae- sens in ecclesia, sed adhuc insepul- tum, qua decet religione, servatur in loco decenti: apposito tamen in eccle- sia lodicis seu nigri panni signo ab eo diverso, quod in Anniversario adhi- betur, ut fideles intelligant Missam hisce diebus offerri i*- expiationem animae illius defuncti, cuius corpus traditum terrae adhuc non fuit, et ecclesiae precibus etiam proprias ad iungant ».