590 MOTU PROPRIO

c) Opera ita peracta examini et revisioni particularis Com- missionis romanae, a Nobis nuperrime ad hoc institutae, sub- mittantur. Ipsa ad secretum iuramento firmatum quoad omnia, quae textuum compositionem et continuationem editionis spe- ctant, tenetur; quam obligationem et illi extra Commissionem contrahunt qui ád suam operam dandam huic fini vocantur. Curet insuper ut maxima cum diligentia perpendat omnia, ne- que quidquam edatur, de quo conveniens ac sufficiens ratio dari nequeat, et in rebus dubiis iudicium petat aliorum viro- rum, extra Commissionem et Redactionem, qui habeantur in hoc studiorum genere praestantes quique auctoritative iudicare valeant. Quod si in melodiis revisendis difficultates quoad te- xtum liturgicum occurrerint, Commissio alteram historico-litur- gicam consulat, iam antecedenter apud Nostram SS. Rituum Congregationem institutam, ita ut ambae concordes procedant iis in partibus librorum, quae commune obiectum utriusque constituunt.

d) Adprobatio a Nobis et a Nostra SS. Rituum Congre- gatione danda libris cantus ita exaratis atque editis, huiusmodi erit ut in posterum nemini liceat libros liturgicos adprobandi, si hi, etiam in partibus cantum continentibus, swe omnino con- formes editioni a Typographia Vaticana editae, Nobis auspican- tibus, non sunt, aut saltem iuxta Commissionis iudicium ita si- miles non sunt, ut inductae variantes ex auctoritate bonorum aliorum codicum gregorianorum provenire ostendantur.

e) Ius proprietatis editionis Vaticanae servatur Apostoli- cae Sedi. Editoribus et thypographis cuiusvis gentis, petituris et, statutis sub conditionibus, tutam fidem daturis de opere rite peragendo, concedemus gratiam huius editionis rursus imprimendae quoque modo eis libeat, vel ex ea quidquid de- sumenda vel ubique exempla evulgandi.

Ita, adiuvante Deo, confidimus traditionalis cantus unitatem modo consentaneo scientiae, historiae, arti et cultus liturgici di- gnitati, Nos esse Ecclesiae restituturus, prouti saltem hodierna studia exigunt, Nobis et Successoribus Nostris facultatem ser- vantibus aliter disponendi.

Datum Romae apud S. Petrum, die X X V Aprilis a. MCMIV, in festo S. Marci Evangelistae, Pontificatus Nostri anno primo.

PIUS PP. X