IURIS FUNERANDI 591

VI. Vetitum esse ecclesiasticis omnibus studio inducere fide- les, ut unam potius quam alteram ecclesiam eligant pro sepul- tura vel funeribus.

VII. Neque posse regulariter parentes vel heredes eligere ecclesiam funerum defunctis.

VIII. Permitti tamen consuetudinem, ut pater filio impuberi ecclesiam funerum eligat, dummodo id fiat ante impuberis filii mortem (1).

IX. Non autem licere patri eiusmodi facultate uti occasione regenerationis et supernaturalis vitae Sacramenti : id enim a ra- tione sacrorum rituum absonum videtur; et fraudibus facile obnoxium.

X. Qui exposita violaverint iura ad restitutionem teneri eo- rum, quae forte perceperint emolumenta (2).

(t) Quantum disputaverint Aucto- res super huiusmodi privilegio Patris eligendi sepulturam filio impuheri si haec vigeat consuetudo, videri potest apud Sperelli Decis, supra citat. In praesenti causa S. C. non videtur re- sol visse, utrum in oppido de quo agi- mus vi consuetudinis posset Pater filio impuberi eligere sepulturam seu ecclesiam funerum: Sacra enim Con- gregatio respondit tantum ad quae- stionem iuris, non autem facti (quod in disputationem non venit) per ea verba salvo iure etc; Quare si in eo oppido consuetudo legitime prae- scripta non obtineat, nec pater pos-

set filio impuberi eligere sepulturam, iuxta textum in cap. 4 de sepult, in 6, in quo statuitur : « Licet pater mino- res filios qui nequeant, antequam ad annos puberbatis perveniant, eligere sepulturam, possit (si consuetudo ter- rae id habeat), quo voluerit sepelire, hoc tamen non potest, ubi consuetudo huiusmodi non habetur, sed sunt cum suis maioribus vel in parochiali ec- clesia tumulandi ». Confer que scripsi in Vol. I, pag. 125.

(2) Confer quoque elegantem quae* stiunculam, iuris associandi cadaver, quam exposui in Vol. III, pag. 41.