591

Ecclesìa SS. Rosarii B. M. V. oppidi Fontanellato dioecesis Parmensis erigitur in Ba- silicam minorem.

PIUS PP. X

Ad perpetuam rei memoriam.

Extat intra fines Parmensis dioeceseos in oppido, cui no- men vulgo Fontanellato, sacra aedes Deo in honorem Sacratis- simo Rosarii Beatae Mariae Virginis dicata quae saeculo deci- mo sexto una cum continente coenobio Ordinis S. Dominici primum a solo excitata, dein varias ob temporum et bellorum vices rursus aedificata, tribus insequentibus saeculis nitidiorem formam decusque adepta fuit. Templum amplitudine atque o- mnigenae artis operibus excellens, aediculam sub abside prae- sefert in qua vetus ipsius Deiparae Virginis colitur simulacrum, clarum prodigiis atque aurea corona gemmisque distincta an- no 1660 redimitum. Illuc, praesertim per menses Augustum et Septembrem, necnon Marialis Rosarii annua solemnitate red- eunte, tum ex Aemilia, tum ex aliis Italiae regionibus turma- tim confluere solent christifideles piae peregrinationis causa thaumaturgum simulacrum veneraturi opem que fidenter im- ploraturi. Quamobrem sacram illam aedem non modo copiosa ac divite supellectili refertam voluit fidelium et coenobitarum pietas; verum etiam Indulgentiis et plurimis eam privilegiis di- tarunt tum Romani Pontifices decessores Nostri cum viri prin- cipes laici. Neque praetereundum est permultas Coelitum San- ctorum Reliquias ibidem magna religione asservari: quas in- ter pretiosa donaria eminent, quibus idem templum re. me. Pius PP. IX praedecessor Noster et Parmensis Curia decorarunt. Ineunte vero saeculo decimonono quum Religiosi sodales, ini- qua civili lege, memorato coenobio expulsi fuerint haud ita multo post monialibus Dominicianis idipsum concreditum fuit, quarum psalmodiis et precibus Marialis aedes assidue resonat : aliquibus insimul ex eodem Praedicatorum Ordine Sacerdoti- bus sacra quaeque munia ibidem obeuntibus. Haec omnia ani- mo reputantes ipsi Religiosi viri et moniales, qui sanctuario de Fontanellato addicti, Beatissimam Dei Genitricem impense eo-

EX SECRETARIA BREVIUM