592 VARSAVIEN.

de matrimonio, praemissis bannis coram vero et optimo pa- rocho scil. Rñdo Dno Dhanis atque duobus testibus legiti- mis, publice in facie Ecclesiae cum extraordinaria solemni- tate et pompa celebrato. Quod matrimonium usque ad Con- cilium Tridentinum nonnisi per summum abusum verborum potuisset vocari clandestinum, sed tamquam actus publicus et solemnis admissum fuisset. Si idem Concilium Tridenti- tinum novam quandam formam substantialem ad validam celebrationem matrimonii constituit, scopum suum princi- palem Sess. X X I V cap. 1 de reform, matr. hisce verbis manifestat : « Cum Sancta Synodus animadvertat, prohibi- tiones illas, i. e. matrimoniorum clandestinorum, propter hominum inobedientiam iam non prodesse et gravia peccata perpendat, quae ex eisdem clandestinis coniugiis ortum ha- bent, praesertim vero eorum, qui in statu damnationis per- manent, dum priore uxore, cum qua clam contraxerint relicta, cum alia palam contrahunt,et cum ea in perpe- tuo adulterio vivunt, cui malo, cum ab Ecclesia, quae de occultis non iudicat, succurri non possit, nisi efficacius ali- quod remedium adhibeatur, idcirco etc. » Quod gravissimum malum a Concilio Tridentino non esset efficaciter sublatum, si propter quaestiones haud raro obscuras et implicatas de delegatione ad assistendum atque de domicilio nimis facile et ex rationibus non concludentibus, matrimonium publice celebratum declararetur nullum et irritum. Quin imo ex huiusmodi declaratione non solum sequeretur periculum ani- marum, ut temporibus ante Concilium Tridentinum, si non obstante valido matrimonio clandestino, sive occulto publi- cum matrimonium novum celebratum est, sed etiam gra- vissimum scandalum populi, qui actum publicum et noto- rium ob rationes occultas et obscuras videt rescissum. Quare cum Concilium Tridentinum evidenter primo loco id inten- dere, ut publice et in foro externo constet de facto celebra- tionis matrimonii, cavendum est, ne per subtilitates et argu- tias advocatorum et actorum impugnantium matrimoniorum valorem lex Tridentina in contrariam detorqueatur partem.