VARSAVIEN. 593

Alterum quod praenotandum esse videtur, est illud, quod si in omni declaratione nullitatis matrimonii ab actore con- tra vinculi valorem certa et indubitata argumenta sunt af- ferenda, id potissimum valet in hoc nostro casu. Etenim in causa Ioannae matrimonii valor impugnatur, quod Rev. Dom. Dhanis, parochus S. Bonifacii, potestatem ordinariam ad assistendum in casu non habuerit atque potestate dele- gata pariter caruerit. Quodsi parochus S. Aegidii, in cuius parochia Ioanna tempore matrimonii celebrati iuxta docu- menta allegata domicilium canonicum habuit, aperte negar et, se licentiam ad assistentiam in matrimonio Ioannae dedisse parocho S. Bonifacii, sane onus probandi, illam licentiam revera esse datam, incumberet parocho S. Bonifacii et con- trahentibus. At in casu nostro parochus S. Aegidii, qui tempore matrimonii Ioannae illam parochiam rexit, iam pridem mortuus est, neque unquam licentiam illam datam esse negavit, neque celebrationi huius matrimonii in eccle- sia S. Bonifacii sese opposuit. Cuius rei habemus testem classicum, Rdum Dnum Bossaerts, nunc parochum in An- derlecht, atque antea ab anno 1872 usque ad ann. 1887 pa- rochialem Vicarium in ecclesia S. Aegidii i. e. ipso tem- pore celebrati matrimonii Ioannae. Qui testis iudici eccle- siastico interroganti haec respondit : « Je dois supposer, que Mr. le Curé Dhanis se sera entendu avec Mr. le Curé De Saegher, i. e. parocho S. Aegidii; en tout cas, je n ai aucun souvenir d'une réclamation ou protestation, qui se serait produit quant à la célébration de ce mariage à St. Bo- niface. » Quare cum non a parocho proprio, sed ab aliis negetur, parochum S. Bonifacii ex legitima delegatione egisse, tanto maiore rigore ab actrice exigenda est probatio licen- tiae non datae, quod parochus Dhanis pariter iam pridem mortuus sit, atque sese defendere nequeat et quod actrix non asserat, licentiam esse datam, ut valor sui matrimonii sus- tineatur, sed neget legitimam delegationem parochi Dhanis ad impugnandum valorem sui matrimonii, sibi summopere odiosi et incommodi, imo ut praeter liberationem a vinculo

Acta, Tom. XXVIII, fase. CCCXXXIV. 38