594 Acta Apostolicae Sedis - Commentarium Officiale

apud Patriarchatum istum, sive ad spiritualia sive ad temporalia ne-

gotia quod attineret, agerent. Ii sane gravi sibi commisso munere, quoad

rerum condiciones sinerent et quo meliore fieri posset modo, perfungi

connisi sunt, atque constantes esse studuerunt - ut oblata ea occasione

ad vita functum Patriarcham scripsimus - « sive sacris pastoribus sive

christifidelibus consiliarii sapientes atque in praesentibus rerum adiunc-

tis fidi ductores ». At vero Nos vos, Procuratores Nostri, officium ve-

strum explevisse existimamus; quare, cum debitas ex animo gratias

vobis omnibus ac singulis persolvimus (memoriam quidem haud oblit-

terantes desideratissimi Abdallah Khoury, qui dum Procurator Noster

erat, diem supremum obiit), tum per praesentes has Litteras declaramus

atque decernimus Apostolico Consilio, a Nobis apud Maronitarum Pa-

triarchatum Litteris Apostolicis « Christiani Orientis » et « Praeclaro

Decessorum » , die x x v m mensis Maii anno MCMXXXXVII I datis, consti-

tuto, finem imponere. Vos autem plane nostis, Venerabiles Fratres, vi

huius extra ordinem provisionis Nostrae, quam supra memoravimus,

ius Patriarchatu providendi, hoc praesenti in casu, ad Apostolicam

Sedem penitus "transferri, sicuti ecclesiasticae iubent leges, et ubique

perpetuo in more fuit. Cuius quippe rei conspicuum exemplum apud

vestram quoque reperitur historiam, cum per f. r. Decessorem Nostrum

Benedictum xiv, qui pontificiae auctoritatis robore Montis Libani Syno-

dum confirmavit, Simon, Damascenus Maronitarum Antistes, Patriar-

cha vester nominatus est. Quamobrem, cum pro Nostro studio ac Su-

premi Apostolatus officio omnino vitare compellamur, ne apud Maro-

nitas Patriarchalis Ecclesia sui auxilio Pastoris diutius destituatur,

dum ei tot instant pericula, iterum Nostram in ipsam intendimus cu-

ram atque eiusdem Patriarchatu prospicimus, ea quae in istorum chri-

stifidelium profectum nuper statuimus ampliore provisu complentes.

Itaque probis atque unanimis bonae opinionis testimoniis rite expensis,

quibus Venerabilis Frater Paulus Meouchi, Episcopus Tyrensis Maro-

nitarum idemque hactenus Apostolici Consilii Praeses, apud Nos ac vos

ipsos commendatur, de consilio Sacrae Congregationis pro Ecclesia

Orientali et ex Apostolicae Potestatis Nostrae plenitudine, eum a Sede

Tyrensi Maronitarum ad Sedem Patriarchalem Antiochiae Maronita-

rum transferimus, et horum Ecclesiae Patriarcham ac pastorem deli-

gimus et constituimus, eidem omnino committentes curam, regimen et

administrationem Ecclesiae Antiochenae apud Maronitas, tum ad spi-

ritualia cum ad temporalia quod spectat. Venerabili ideo Fratri Paulo

Meouchi praecipimus et mandamus ut, simul atque has Nostras exce-