594 VARSAVIEN.

matrimoniali etiam facilem habeat solutionem alterius litis pendentis de separatione a thoro et cohabitatione propter adulterium a se patratum. Praeterea delegatio illa ad assi- stendum dari potest et haud raro de facto datur viva voce, absque testibus, per epistolas privatas; nulli enim certae et solemni formae Concilium Tridentinum Sess. X X I V . cap. 1. De ref. matr. deputationem alterius sacerdotis alligavit. Cfr. Schmalzgr. 1. IV. t. 3. n. 190. Hinc nisi lata via sit aperienda ad impugnanda matrimonia ob licentiam non rite datam et probatam, quicumque praeter parochum pro- prium negat in matrimonio iam contracto sacerdotem assi- stentem licentia fuisse destitutum, id ipse concludentibus argumentis probare debet, quemadmodum post Sánchez, De matr. 1. III. disp. 37 n. 5, aliosque recte tenet defensor vinculi S. C. C.

Hisce animad versionibus praemissis, censuit : « Non constare de nullitate matrimonii in casu ». Nam 1. Rdus Dominus Dhanis, parochus S. Bonifacii

saltem valde probabiliter, si non moraliter certo, adstitit matrimonio Ioannae et Georgii ex delegatione speciali Rdi. Dñi Saegher parochi S. Aegidii ; 2. etiamsi Rdus Dnus Dhanis speciali illa delegatione Dñi Saegher in hac matri- monii solemnitate caruisset, tam amplam habuit delegatio- nem generalem, ut saltem valor matrimonii Ioannae et Geor- gii in dubium vocari non possit; 3. argumenta canonica, quibus patronus actricis Ioannae valorem huius matrimonii impugnat non solum certa non sunt, sed vix probabilitatem attingunt, multoque minus illam superant.

At tribus istis propositionibus probatis, manifeste con- sequitur, nullitatem matrimonii in casu non posse declarari.

I. De delegatione speciali R. D. Dhanis. Cum duo pa- rochi, de quibus agitur, iam mortui sint, illorum deposi- tionibus personalibus haec quaestio non iam definiri potest. Quare recurrendum est ad legitima indicia, praesumptiones, argumenta indirecta. Ex libr. II. tit. 23. de praesumptio- nibus constat, generaliter praesumi pro quovis officiali, quod