5 9 4 Ex S. C Concilii

sociationes excitata fuit, et Episcopus Ventimiliensis decre- tum edidit adversus Capuccinos , qui ad S. Sedem iterum appellarunt, sed non apparet utrum resolutio in hac con- troversia edita fuerit. Illud tamen constat, ait P. Provincialis, quod Capuccini in exercitio suorum privilegiorum perrexe- runt; et rem ex nonnullis attestationibus evincit et ex quodam elencho mortuorum, quorum cadavera a Capuccinis associata fuere ad ecclesiam ex invitatione haeredum, non obstantibus Capituli protestationibus.

Dubium. An PP. Capuccini possint associare cadavera absque interventu Canonicorum Collegiatae et cleri parochialis,

quando seorsim ab haeredibus defuncti invitantur in casu.

Resolutio. S. Congr. Concilii, omnibus hinc inde per- pensis, die 19 Novembris 1 9 0 4 respondit: Affirmative.

Colliges

i°. De iure communi haeredes seu parentes defuncti, etiam inscio vel invito parocho, in associatione cadaveris vocare possunt quoscumque sacerdotes maluerint.

2 0 . Dempto proinde parocho defuncti proprio, qui ex lege Ritualis Romani ius et officium habet interveniendi, haeredes invitare possunt ad funus associandum etiam Regulares, ca- nonicis aliisque presbyteris praetermissis.

3 0 . Quae haeredum facultas infringi nequit a contraria consuetudine, tum quia agitur de actibus mere facultativis, in quibus currere non potest praescriptio, tum quia ipsa esset impeditiva naturalis libertatis haeredum.

4 ° . In casu autem immemorialis consuetudo a canonicis et parochis S. Remi invocata non invaluit, quinimo contra- riam praxim favore Capuccinorum viguisse apparet.

5 0 . Nec utiliter invocari possunt Statuta synodalia, quae praeterquamquod a S. Sede in forma tantum generica appro- bata fuere, per subsequens praeterea generale S. R. C. decre- tum 14 Ianuarii 1 6 4 0 abrogata censenda sunt.