Ex S. C. Rituum

ROMANA SEU PARISIEN.

Decretum Beatificationis et Canonizationis Ven. Servae Dei Magdalenae Sophiae Barat, institutricis Societatis Sororum a Sacro Corde Iesu.

Super dubio: An constet de virtutibus theologalibus Fide, Spe

et Caritate in Deum et proximum, nec non de cardinalibus

Prudentia, Iustitia, Temperantia et Fortitudine iisque

adnexis in gradu heroico, in casu et ad efectum de quo

agitur.

Quum, exeunte saeculo xvm et ineunte xix, civilis furoris incendia per Galliam flagrarent maxime, haud paucorum au- ribus insonare altius visa est divina illa vox: « Ignem veni mittere in terram, et quid volo nisi ut accendatur ? » Erat

illa nempe vox ignem caritatis opponentis teterrimis irarum flammis atque vitiorum ; vox erat revocantis homines ad mu- tuum amorem atque concordiam, proposito suimet exemplo: « Discite a me quia mitis sum et humilis corde, et invenietis

requiem, animabus vestris ». Haec penitus animo percipiens Ven. Dei Famula Magdalena Sophia Barat, eo ardore com- plexa est Cor Iesu sacratissimum, ut et sanctitatis iubar ex- stiterit ipsa, et proximorum saluti praeclare consuluerit.

Futurum amoris ignem in Ven. Dei Serva portendere visa est eiusdem nativitas, editae in lucem qua nocte incendio consumpta est magna pars natalis oppidi Joigny in Burgun- dia, quae nox fuit pridie idus Décembres anno MDCCLXXIX. Quo factum est, ut interrogata deinceps puella de sui ortu, candide responderet, ex igne se prodiisse. Nec aberat fides verbis, quod in ipsa erant vivida omnia, mens, eloquium, ob- tutus, incessus. Nemini non accepta ob singularem vitae inno- centiam et ob eximias naturae dotes, vel a primis annis Deo probari summopere studuit eiusque gratiae donis respondere quam fidelissime. Quasi praesaga futurae sortis et muneris, ingenium excoluit omni humanitate ; neque solum graecis et