VARSAVIEN. 597

denuo eoo iure proprio factum esse competentem, eo quod familia Ioannae ad facilitandum matrimonium civile per meram insertionem in registro civili suburbii Ixelles sive parochiae S. Bonifacii denuo in eadem parochia acquisiverit domicilium civile. Nam nimis absonum est iam a priori, vi- rum tam bene in iure matrimoniali versatum elementares illas notiones ignorasse de domicilio canonico, omnino di- stincto a domicilio mere civili, quod mera inscriptione in registro municipali absque ulla habitatione actuali in loco domicilii acquiritur.

Denique nisi velimus admittere errorem quendam vel -deceptionem, Mr. Dhanis in casu non usus esset delegatione generali et mutua parochorum illius districtus, ut omnes sacerdotes in hoc processu examinati unanimiter testantur. Agebatur enim de matrimonio diu praeparato, iam complu- ribus hebdomadis Dno Dhanis ex conversatione cum matre Ioannae notissimo.

Quapropter omnibus circumstantiis huc usque recensitis in unum collectis, attentisque singulis personis, de quibus agitur atque praesertim ratione habita qualitatum et morum illorum duorum parochorum Rdi Dñi Dhanis et Rdi Dñi Saegher, sponte videtur sequi delegationem specialem in Dno Dhanis omnino esse admittendam. Qua delegatione admissa, omnia cohaerent et facile explicantur, illa autem negata, verum aenigma et mysterium fingitur. Hinc si S. O. vg. S. C. Inq., S. C. de Prop. F. in gravissima quaestione probationis obitus alterius coniugis, deficientibus aliis argu- mentis, tandem « ex coniecturis, praesumptionibus, indiciis et adiunctis quibuscumque » probationem admittunt, dum- modo ex toto circumstantiarum complexu « exurgere possit moralis illa certitudo, quae necessaria est, ut iudicium pro- feratur »; a fortiori in nostro casu huiusmodi probatio est admittenda, ubi vel sola probabilitate in favorem matrimo- nii solide demonstrata, actio partis contrariae valorem ma- trimonii impugnantis eliditur. Illi enim incumbit onus certae et indubitatae probationis nullitatis matrimonii, quod impu-