598 VARSAVIEN.

gnatur. Quae certitudo plane haberi nequit, si in favorem vinculi matrimonialis militant vel solae probabiles rationes vere solidae; ergo multo magis certa probatio nullitatis ex- clusa est, si contra illam allegari possunt probationes mo- raliter certae vel saltem probabilissimae, ut in casu nostro de speciali illa delegatione obtinet, contra quam certae et concludentes rationes non proferuntur.

Verumtamen, ut veritas undequaque pateat etiam argu- menta contra illam specialem delegationem allata, exami- nanda et diluenda sunt.

In primis nullius momenti est illa exceptio, quod docu- mentum scriptum illius delegationis exhiberi non possit. Nam ut supra iam demonstratum est, Concilium Tridenti- num 1. c. nullo modo scripturam, sive ad valorem, sive ad liceitatem delegationis ad assistentiam in matrimonii cele- bratione requirit, neque ulla ratione licentiam viva voce datam excludit, ut communiter tenent doctores. Cf. Sch- malzgr. 1. c. Porro indoles Dñi Saegher, mutua amicitia utriusque parochi, depositiones sacerdotum, qui olim Vicarii parochiales in illis duabus parochiis fuerunt, vehementer suadent, licentiam illam viva voce a Dno Saegher datam fuisse. Insuper postulatur probatio practice impossibilis. Nam talis delegatio, si scripto data fuisset, ut fieri solet, in folio quodam separato, certe occasione obitus Dñi Dhanis periisset, ubi infeliciter nimis multa scripta combusta et deleta sunt, ut testatur etiam defensor vinculi Curiae Me- chlinien.

Neque maiorem vim habet altera exceptio., quod non re- maneat vestigium proclamationum factarum in parochia S. Bo- nifacii. Nam liber proclamationum parochiae S. Bonifacii illius anni 1884, quo matrimonium Ioannae celebratum est, imo etiam aliorum annorum una cum aliis quamplurimis documentis deletus est. Hinc etiam de omnibus aliis pro- clamationibus, illis annis factis, ex libro proclamationum noa constat. At quis dicet, in universa illa parochia numerosa S. Bonifacii toto illo tempore nullas proclamationes esse