VARSAVIEN. 599

factas. Hinc dubium existere nequit, quin in ecclesia S. Bo- nifacii proclamationes factae sint. Ibi enim fieri debuerunt, etiamsi matrimonium in ecclesia Sti. Aegidii matrimonium Ioannae fuisset celebratum. Nam sponsa per nimis longum tempus in parochia S. Bonifacii habitaverat eamque vix de- cem mensibus elapsis reliquerat. Quare attenta indole pru- denti Dñi Dhanis certe ex iuris praescripto in sua parochia proclamationes publicavit. Id quod summopere exinde con- firmatur, quod proclamationes in ecclesia Sti. Aegidii de matrimonio Ioannae non sint factae. Quae omissio facillime explicatur, si Dnus Saegher finem proclamationum attendendo atque late interpretando statuta dioecesana Mechliniensia abs- tinuerit a proclamando matrimonio Ioannae, quae recenter in suam parochiam advenerat. Insuper sponsi, ut patet ex narratione matris Ioannae, sese parocho S. Aegidii, Rdo Dno Saegher non praesentarunt, sed universum negotium matrimonii cum Rdo Dno Dhanis a matre Ioannae transa- ctum est. Ergo mirum non est, quod Dnus Saegher istud matrimonium in sua ecclesia non proclamant ; at vere mi- rabile esset, si huiusmodi matrimonium in Belgio celebra- tum, nullibi ibidem in aliqua parochia proclamatum esset. Id autem accidisset, si in ecclesia S. Bonifacii publicationes non essent factae.

Porro urgetur difficultas, quod in libro matrimoniorum parochiae S. Bonifacii secundum textum authenticum et a Rdo Dno Dhanis subscriptum legatur « eoo hac-» sci. Ioannam esse ex parochia S. Bonifacii, neque reperiuntur verba « a parocho S. Aegidii delegato », quae a novo parocho S. Bonifacii in copia dato fuerunt addita. Quae difficultas contra delega- tionem specialem Dñi Dhanis, at ut iam hoc loco moneam, non contra valorem matrimonii Ioannae, efficacius urgeri potuit, antequam advenirent acta novi processus Mechli- niensis : sed novis illis actis inspectis illa difficultas cum suis adnexis congruam accipit solutionem. Nam cum Rdo Dno Vereeken et defensore Mechliniensi omnino probabiliter dici potest, verba illa « ex hac » propter momentaneam