600 Distributionum

clerico respectu tituli, aut tamquam Canonico, sed tamquam

divinis officiis inservienti. 1

II. Proinde Tridentinum Sess. 24 cap. 12 de ref. in usum

revocando decretum Bonifacii VIII « Consuetudinem » praece-

pisse « Distributiones vero, qui statutis horis interfuerint, reci-

piant', reliqui, quavis collusione, aut remissione exclusa, his

careant ».

III. Neque licere Capitulo, aliquo sub praetextu, distribu-

tiones quotidianas donare, relinquere, aut quavis collusione

remittere alicui, qui ab Ecclesiae servitio abfuerit, vel alio

quovis modo -distributiones legitimas debeat amittere.

I V . Verumtamen ceu amantissima mater Ecclesia humani-

tate ac pietate morbo vexatos, prosequitur, eisdem distribu-

tiones concedendo ceu choro praesentibus, sic agit cum illis

qui ob legitimum corporis impedimentum divinis officiis inte-

resse nequeunt.

V. Ideo Canonicum ob iustum inimicorum metum domo

non egredientem, aut loco suae residentiae iniuste exiliatum,

non privari distributionibus, quum ius naturale dictet, nemi-

nem sine culpa esse puniendum.

VI . Huiusmodi ecclesiae disciplinae spiritum esse, ut negli-

gentes aut residere contemnentes a distributionibus arceantur,

non vero impotentes sive per morbum, sive per involuntariam

absentiam.

VII . Canonicos in themate, patriam dereliquisse et in exi-

lium ivisse ob partium inimicitias; et ideo excusari videntur

1 Ivo Charnotensis in Epistola 219 ad Paschalem Papam sic loquitur de huiusmodi distributionibus a se primitus invectis : « Cum in compluri- « bus Canonicorum Charnotensium desuevisset disciplinae regularis obser- « vantia, ut de negligentibus facerem diligentes, de tardis assiduo ad fre- « quentandas Horas Canonicas, deliberavi apud me, ut darem eis dimidiam « Praeposituram, ut inde fieret quotidianus panis quem acciperent assidui, « amitterent tardi; ut quos panis externi dulcedo non movebat, panis cor- « poris refectio provocaret, quamvis eorum annua Praebenda ad hoc sut- « fidens esset ». Ius pontificium, idem constituit, atque Tridentina Synodu s eamdem confirmavit disciplinam.