600 EX S. G, RITUUM

mnis levamen inveniretur, atque iis potissimum cura intendere- tur, qui vel infirma gravarentur valetudine, vel morbo t a n - dem devicti mortalis vitae cursum essent expleturi. Huius porro nobilissimae virtutis praeclarum praebuerunt exemplum inclyti confessores sanctus Camillus de Lellis , et sanctus Ioannes de Deo ; qui pari charitatis ardore succensi animam suam pro aegrotantium salute ponere non dubitarunt : quippe alter animas in extremo agone luctantium, aegris simul cor- poribus praestito solamine, sacri ministerii ope roborare t ; alter vero medelam atque omne subsidium aegrotorum cor- poribus afferendo, animarum saluti facilius auxiliaretur. Nec satis : sed viri tantae misericordiae geminara Congregatio- nem, seu novas in Ecclesia Christi familias inst i tuerunt, in quibus sui spiritus zelus indeficiens arderet, atque eiusmodi charitatis in aegrotos exinde saluberrimi fructus iugiter pro- manarent .

Q u u m vero infaustis hisce temporibus iniqui homines mundanae gloriae cupidi, ad religionis perniciem congregati, prodigia christianae charitatis civiliter, ut aiunt, aemulaturi , grassante Asiatica lue, manus hac illae admovere aggressi sint, specie tenus quidem ad patientium iuvamen, saepe tamen ut infirmi spiritualibus orbarentur auxiliis; commune Christifide- lium, ac praesertim .sacrorum Antistitum desiderium exortum fuit praefatos Sanctos charitatis héroes tamquam patronos omnium Hospitalium, et Infirmorum ubique degentium amodo percolendi, eosque in Litaniis agonizantium invocandi.

Quamobrem quum Eminentissimus et Reverendissimus Dominus Cardinalis Miecislaus Ledóchowski horum suppli- cia vota in Sacrorum Rituum Congregationis coetu, ad Vati- canum subsignata die coaduna to , retulerit ; Eminentissimi et Reverendissimi Patres sacris tuendis Ritibus praepositi, omnibus maturo examine perpensis, audita sententia R. P. D. Augustini Caprara, sanctae Fidei promotoris, sic rescri- bere rati sunt : Pro gratia concessionis sanctorum Camilli de Lellis et Ioannis de Leo in patronos pro omnibus Hospitali- bus et Infirmis ubique degentibus : et insertionis in Litaniis agonizantium nominum sancti Camilli et sancti Ioannis de Deo, post nomen sancti Francisci. Die i5 Maii 1886.

Quibus per infrascriptum Secretarium Sanctissimo Domino Nostro LEONI PAPAE XIII fideliter relatis, Sanctitas Sua R e - scriptum Sacrae Congregationis in omnibus ratum habere ,