600 SALERNITANA

purgavit adeo ut ipse Archiepiscopus, mutata sententia, eum quem antea reprobaverat, mox commendaverit. Quapropter tot ea quae de indignitate sacerdotis Filippone, et de sa- niori iudicio minoris partis electorum contra maiorem con- geruntur, pondere suo ruere videntur.

E A QUAE MILITANT FAVORE PAROCHI SALERNO. Vicissim in favorem parochi Salerno unum hoc argumentum militat, quod nempe ipse electus dicatur a saniore electorum parte et ab Archiepiscopo in prioribus suis litteris commendetur et postuletur. Quin obsit suffragatio plurium electorum in favorem sacerdotis Filippone ; nam si deputatus iam electus, licet munus habeat perpetuum, nihilominus iuste removeri potest ab officio, quoties imprudentis sit naturae, ceu monet S. C. C. in Tudertina Elect. deput. Sem. 15 Septemb. 1792 cum Zamboni f. 4 conclus, v. Semin. § 1, a fortiori posse videtur a suscipiendo hoc munere impediri eum qui turbidi huiusmodi ingenii iamdiu se prodiit. Et ideo hac de causa electio sacerdotis Filippone nulla et invalida dicenda foret, et ius in minori parte solidatum. Quae tamen omnia quanti facienda sint, prudens EE . P P . iudicium definiet.

At vero e contra dicendum verius videtur cuiuslibet ele- ctionem invalidam, ipsaque forte electionis comitia nulla in casu fuisse.

Etenim electio per suffragia relative maiora nonnisi in quibusdam exceptionalibus casibus admittitur, ut est in pa- tronatu, quando praesertim electores, quin simul conveniant, degentes in loco ubi habitant, ad Curiam candidati nomen per Schedas mittunt, aut forte etiam in ceteris electionibus si manifeste appareat, scienter a maiori parte electum fuisse indignum, iuxta ea quae habet cap. Scriptum 40 De elect. cum Layman Quaestio cum De praeb, eccles, q. 65. De cetero essentiale electioni esse videtur ut ex congregatis pars absolute maior in unum consentiat. Eo vel magis quia si relativa dumtaxat maioritas valeret, ex votorum dispersione contingere non raro posset ut duobus vel tribus suffragiis aliquis nuncupatus subsisteret, quod est absurdum abusuum