602 FAVENTINA

aperte contradicit. Etenim paulo ante deposuerat: verbis assensum praebui, sed retinens eandem repugnantiam. Quod idem est ac si apertis verbis fateatur, se ante matrimonium Parocho, coram testibus, consensum dedisse. Hinc ad rem faciunt quae idem Parochus sub iuramenti sanctitate in iu- dicio rogatus an puella sese ostenderit agitatam aut per- plexam dum consensum praeberet, retulit sese id non per- cepisse. Recensita verba Parochi quae vel praecedunt, vel concomitantur huius matrimonii celebrationem, ne ullum quidem verbum faciunt, quod ipsum quomodolibet infirmare videatur; neque ullam exhibent suspicionem de perplexitate, vel haesitatione Oratricis in emittendo consensu a Parocho requisito : quod manifeste indicat, ipsam respondisse ut de iure in huiusmodi casibus responderi solet, et debet. Ex qui- bus omnibus superius relatis, evidenter patere arbitror, Te- resiam Minzolini quatuor vicibus consensufn praebuisse ad matrimonium cum Nicolao Vaccari contrahendum. Nec in- terest quod ipsa asserit, se cum repugnantia assensum ex- hibuisse; talis namque repugnantia non absolute, sed rela- tive perpendenda est : relative scilicet ad sympathiam quam erga Carolum Grilli fovebat antecedenter ad propositum ma- trimonium Nicolai Vaccari; quae tamen haud impedivit quo- minus assensum ipsi Nicolao praeberet, illecta a desiderio melioris conditionis oeconomicae.

Praeterea Oratrix non solum quater consensum suo ma- trimonio praestitit, ut ex dictis ostensum est, sed etiam opere consummavit. Nam, ut ab initio notavi, vix initis nuptiis, illico patria, paterna domo, ac suis relictis, sponte in alie- nam regionem se confert, in domum sponsi ascendit, et per unius mensis circiter spatium, cum viro suo cohabitans, et condormiens, pluries ipsi coniugale debitum reddidit, per quod revera matrimonium consummavit. Hoc idem accidit cum relicto marito et in paternam domum reversa, ipsum excepit, et coniugale officium cum eodem pluries complevit. Nec officit quod ipsa asserit se per vim hoc fecisse ; nam ipsius assertio nullo fundamento fulcitur, eo vel magis quod